भाईंदर :- मिरा-भाईंदरमधील भाजप महिला जिल्हाध्यक्षांच्या भावावर ५ लाखांच्या वीज चोरीचा गुन्हा काशिमीरा पोलीस ठाण्यात दाखल झाला आहे.
हेही वाचा – सोलापूर : सह्याद्री घाटमाथ्यासह भीमा खोऱ्यात पावसाचा जोर; उजनीत वाढतोय पाणीसाठा
हेही वाच – सांगली : पूरबाधित भागातील नागरिकांचे स्थलांतर सुरू; कृष्णा, वारणा पात्राबाहेर
मिरा-भाईंदर भाजप पक्षाच्या महिला जिल्हाध्यक्ष अनिता पाटील यांचा भाऊ राजेश चव्हाण हा पेणकर पाडा परिसरात राहतो. या घरासाठी चव्हाण हा अदानी वीज समूहाची वीज चोरून वापरत होता. याबाबत कंपनीला माहिती मिळताच कर्मचाऱ्यांनी प्रत्यक्ष ठिकाणी पाहणी केली होती. यावेळी २६ हजार ७५८ इतके युनिट वापरल्याचे स्पष्ट झाले. यात अदानी वीज समूहाची जवळपास ५ लाख ४८ हजार इतक्या रुपयांची फसवणूक झाल्याची तक्रार काशिमिरा पोलीस ठाण्यात देण्यात आली होती. त्यावरून चव्हाण विरोधात कलम १३५ अंतर्गत काशिमिरा पोलीस ठाण्यात चोरीचा गुन्हा दाखल करण्यात आला आहे.
