वसई-विरारमधील सागरी किनाऱ्याची सुरक्षा वाऱ्यावर; किनारपट्टीतील पोलीस चौक्या दोन वर्षांपासून बंद

वसई-विरार सागरी किनाऱ्यालगत असलेल्या गास, सत्पाळा आणि कळंब या तीनही पोलीस चौक्या दोन वर्षांपासून बंद आहेत. करोनाचा प्रादुर्भाव ओसरल्यानंतर कळंबच्या समुद्र किनारी असलेल्या अनधिकृत रिसॉर्टमध्ये अनैतिक व्यवहार होत असतात तसेच अनेक जोडपी, मद्यपी, गर्दुले हे सागरी किनारी वाट्टेल तसे वर्तन करत असतात. त्याचबरोबर अनेक पर्यटक मोठी वाहने सरळ सागरी किनाऱ्यावर घेऊन जातात. यामुळे अपघात होत आहेत. चौकीही बंद असल्यामुळे रात्री-अपरात्री या परिसरात काही पर्यटक मद्यधुंद होऊन फिरताना दिसतात. वसई तालुक्यातील नालासोपारा पोलीस ठाण्याच्या हद्दीत येणारी गास- टाकीपाडा आणि अर्नाळा सागरी पोलीस ठाण्याच्या हद्दीत येणाऱ्या सत्पाळा नाका, कळंब नाका येथील पोलीस चौक्या संवेदनशील परिसरात आहेत. गास टाकीपाडा येथे अनधिकृत वस्त्या आहेत. त्यात तडीपार गुंड आणि बांगलादेशीय लोकांचे वास्तव्य असल्याचे अनेकवेळा पोलीस कारवाईतून समोर आले आहे. राजोडी, नवापुर, अर्नाळा समुद्र किनारी जाणाऱ्या पर्यटकांचा उच्छाद मांडलेला असतो. मेजवान्यातील मद्याच्या बाटल्यांचा खच किनाऱ्यावर पडलेला दिसतो. सागरी किनारा संवेदनशील असल्यामुळे दहशतवादी गतविधीचा धोका संभवतो.

आणखी वाचा

उद्याने बकाल; सुरक्षा धोक्यात; महानगरपालिकेच्या अनास्थेमुळे नवी मुंबई शहरातील उद्यानांची दुरवस्था

अल्लू अर्जुनच्या अटक प्रकरणावर नाना पाटेकर म्हणाले, “कोणाला…

मसाज पार्लरच्या नावाखाली गैरप्रकारांवर कारवाईचा बडगा, वर्षभरात पोलिसांकडून ३३ गुन्हे दाखल

फ्लेमिंगोंच्या अधिवासात रस्ता नको, राज्य सरकारच्या पाहणी पथकाच्या अहवालात खाडीकिनारचा रस्ता बंद करण्याची शिफारस

कल्याणमधील दुर्गाडी किल्ला शासनाच्या मालकीचा; न्यायालयाने मुस्लिम संघटनेचा दावा फेटाळला

वसई : पालिकेचे एकमेव निर्बीजीकरण केंद्र बंद, पालिकेकडून दुरुस्तीचे काम; नवीन निर्बिजीकरण केंद्र ही रखडले

करंजा रेवस सागरी पूल मार्गिकेला ग्रामस्थांचा आक्षेप, १९८० च्या नियोजन आराखड्यानुसार जोड मार्गिका देण्याची मागणी

विश्लेषण : मुंबईत ‘वॉकिंग न्युमोनिया’चा प्रादुर्भाव का वाढत आहे? लक्षणे काय? उपाय कोणते?

एकीकडे वसई विरार मीरा भाईंदर पोलीस आयुक्तालयाकडून शहरात नवीन पोलीस ठाणे उभारले जात आहेत. ग्रामीण भागात गरज असतानाही पोलीस चौक्या बंद करण्याचा घाट सुरू आहे. नागरिकांनी मागणी करूनही या चौक्या सुरू करण्यात आल्या नाहीत, अशा तक्रारी आहेत.
सध्या पोलीस बळ कमी आहे. पण तरीही अर्नाळा पोलिसांकडून कळंब आणि सत्पाळा येथील परिसरात रात्रीची गस्त घातली जात आहे. तसेच चौक्यासाठी पोलीस बळाची मागणी केली आहे. लवकरच पोलीस बळ उपलब्ध होईल.

– राजु माने, वरिष्ठ पोलीस निरीक्षक, अर्नाळा पोलीस ठाणे