शासनाच्या संकेतस्थळावर वसईत केवळ ४७ कंपन्या; कामगारांच्या मूलभूत सुविधांवर परिणाम होण्याची शक्यता 

विरार : महाराष्ट्र कामगार विभागाच्या शासनाच्या संकेतस्थळावर वसई तालुक्याची चुकीची माहिती देण्यात आली आहे. वसई, विरार शहरांत हजारो कंपन्या असतानाही केवळ ४७ कंपन्या असल्याची नोंद शासनाच्या औद्योगिक सुरक्षा व आरोग्य संचालनाच्या संकेतस्थळावर करण्यात आली आहे. याच माहितीच्या आधारे पालघर जिल्हाधिकारी यांच्या संकेतस्थळावरसुद्धा हीच माहिती प्रकाशित आहे. यामुळे वसईतील कामगारांच्या मूलभूत सुविधांवर परिणाम होण्याची शक्यता वर्तविली जात आहे.