जात पंचायतीविरोधात मदतीसाठी संपर्क क्रमांक;राज्यातील पहिला उपक्रम

वसई : जात पंचायतीविरोधात कायदा करण्यात आला असला तरी राज्यात अनेक ठिकाणी ही अनिष्ट प्रथा सुरू आहे. त्यामुळे नागरिकांच्या तक्रारी जाणून त्यांना न्याय मिळवून देण्यासाठी जात पंचायत मूठमाती अभियानातर्फे हेल्पलाइन क्रमांक सुरू करण्यात आला आहे. जात पंचायतीविरोधातील ही राज्यातील पहिली हेल्पलाइन आहे.

आणखी वाचा

‘लाडक्या बहिणी’पेक्षा महिलांना संरक्षण हवे – शरद पवार

महायुतीला सत्ता मिळाली, लाडक्या बहिणींना २१०० रुपये कधीपासून…

लोकसभेतील अपयशानंतर ‘भारत जोडो’सारख्या शक्तींवर मात; विधानसभेत प्रभाव नसल्याचे देवेंद्र फडणवीस यांचे प्रतिपादन

अग्रलेख: नक्की काय बुलडोझ झाले?

झारखंडमध्ये ‘राहुल विमान’ कोसळणार! केंद्रीय गृहमंत्री अमित शहा यांची टीका

मतदारांना प्रलोभन देणाऱ्या विरोधात मालेगावात कारवाई

लैंगिक छळाच्या गुन्ह्यात पीडितेला नुकसान भरपाईचा आदेश देणे अपेक्षित…

महाराष्ट्र शासनाने सहा वर्षांपूर्वी जात पंचायतीच्या विरोधातील सामाजिक बहिष्कारविरोधी कायदा बनविला होता. मात्र अनेक भागांत जात पंचायतींची पाळेमुळे खोलवर रुजलेली आहेत. वारंवार जात पंचायतच्या शिक्षेची प्रकरणे समोर येत आहेत. ‘लोकसत्ता’ने नुकतेच विरारमधील जात पंचायतीचे एक प्रकरण समोर आणून ही प्रथा बंद करण्यात मोलाची भूमिका बजावली होती.जात पंचायतीविरोधात कायदा असला तरी या कायद्यान्वये राज्यात सहा वर्षांत केवळ दीडशे गुन्हे दाखल झाले आहेत.हे चित्र बदलण्यासाठी महाराष्ट्र अंधश्रद्धा निर्मूलन समितीच्या जात पंचायत मूठमाती अभियानने  ९८२२६३०३७८ हा हेल्पलाइन क्रमांक सुरू केला आहे.जात पंचायतीबाबत कुठलीही तक्रार असल्यास संपर्क केल्यानंतर कायदेशीर मदत तसेच मार्गदर्शन केले जाणार आहे, असे जात पंचायत मूठमाती अभियानाचे राज्य कार्यवाह कृष्णा चांदगुडे यांनी सांगितले.