लोकसत्ता प्रतिनिधी
हजारपेक्षा जास्त प्रीमियम लेखांचा आस्वाद घ्या ई-पेपर अर्काइव्हचा पूर्ण अॅक्सेस कार्यक्रमांमध्ये निवडक सदस्यांना सहभागी होण्याची संधी ई-पेपर डाउनलोड करण्याची सुविधा
वसई : मागील पंचवीस दिवसांपासून वसई किल्ल्यात दहशत निर्माण करणाऱ्या बिबट्याला जेरबंद करण्यात अखेर वनविभागाला यश आले आहे. मंगळवारी पहाटेच्या साडेतीनच्या सुमारास हा बिबट्या पिंजऱ्यात अडकला.
२९ मार्चला वसईच्या किल्ल्यात बिबट्या आढळून आला होता. तेव्हापासून नागरिकांमध्ये भीतीचे वातावरण निर्माण होऊन जनजीवन विस्कळीत झाले होते. याशिवाय या भागात नागरिकांना पर्यटनास बंदी घालण्यात आली होती.
आणखी वाचा-वसई: पोलीस ठाण्यातच पोलिसाला मारहाण, पोलिसाचा तुटला दात
त्या बिबट्याला पकडण्यासाठी वनविभागाकडून शर्थीचे प्रयत्न सुरू होते. त्याला पकडण्यासाठी वनविभागाने किल्ल्यातील भागात ट्रॅप कॅमेरे, रेस्क्यू पथक, आवश्यक ठिकाणी पिंजरे लावले होते. परंतु मानवी वर्दळ व इतर अडचणी यामुळे २० ते २५ दिवस उलटून गेले तरी या बिबट्याचा शोध लागला नव्हता. त्यानंतर वनविभागाकडून सातत्याने बिबट्या पकडण्याच्या नियोजनामध्ये बदल करून बिबट्याच्या हालचालीवर लक्ष ठेवून त्यानुसार पिंजरे लावले जात होते.
मंगळवारी पहाटे अखेर हा बिबट्या पिंजऱ्यात येऊन अडकला. २५ दिवसांनंतर या बिबट्याला जेरबंद करण्यात वनविभागाला यश आले आहे.बिबट्या जेरबंद झाल्याने मागील महिनाभरापासून भीतीच्या सावटाखाली असलेल्या वसई किल्ल्याच्या परिसरातील किल्ला बंदर, पाचूबंदर भागातील नागरिकांनी सुटकेचा श्वास घेतला आहे.
वसई : मागील पंचवीस दिवसांपासून वसई किल्ल्यात दहशत निर्माण करणाऱ्या बिबट्याला जेरबंद करण्यात अखेर वनविभागाला यश आले आहे. मंगळवारी पहाटेच्या साडेतीनच्या सुमारास हा बिबट्या पिंजऱ्यात अडकला.
२९ मार्चला वसईच्या किल्ल्यात बिबट्या आढळून आला होता. तेव्हापासून नागरिकांमध्ये भीतीचे वातावरण निर्माण होऊन जनजीवन विस्कळीत झाले होते. याशिवाय या भागात नागरिकांना पर्यटनास बंदी घालण्यात आली होती.
आणखी वाचा-वसई: पोलीस ठाण्यातच पोलिसाला मारहाण, पोलिसाचा तुटला दात
त्या बिबट्याला पकडण्यासाठी वनविभागाकडून शर्थीचे प्रयत्न सुरू होते. त्याला पकडण्यासाठी वनविभागाने किल्ल्यातील भागात ट्रॅप कॅमेरे, रेस्क्यू पथक, आवश्यक ठिकाणी पिंजरे लावले होते. परंतु मानवी वर्दळ व इतर अडचणी यामुळे २० ते २५ दिवस उलटून गेले तरी या बिबट्याचा शोध लागला नव्हता. त्यानंतर वनविभागाकडून सातत्याने बिबट्या पकडण्याच्या नियोजनामध्ये बदल करून बिबट्याच्या हालचालीवर लक्ष ठेवून त्यानुसार पिंजरे लावले जात होते.
मंगळवारी पहाटे अखेर हा बिबट्या पिंजऱ्यात येऊन अडकला. २५ दिवसांनंतर या बिबट्याला जेरबंद करण्यात वनविभागाला यश आले आहे.बिबट्या जेरबंद झाल्याने मागील महिनाभरापासून भीतीच्या सावटाखाली असलेल्या वसई किल्ल्याच्या परिसरातील किल्ला बंदर, पाचूबंदर भागातील नागरिकांनी सुटकेचा श्वास घेतला आहे.
