लोकसत्ता, विशेष प्रतिनिधी
हजारपेक्षा जास्त प्रीमियम लेखांचा आस्वाद घ्या ई-पेपर अर्काइव्हचा पूर्ण अॅक्सेस कार्यक्रमांमध्ये निवडक सदस्यांना सहभागी होण्याची संधी ई-पेपर डाउनलोड करण्याची सुविधा
वसई- वसई विरार शहरात ठिकठिकाणी विनापरवाना फटाके विक्रीची दुकाने सुरू आहेत. अशा विक्रेत्यांविरोधात पोलिसांनी मोहीम उघडली आहे. मंगळवारी विविध पोलीस ठाण्यात तब्बल २० विक्रेत्यांविरोधात गुन्हे दाखल करण्यात आले आहेत.
दिवाळीच्या काळात फटाके विक्री करण्यासाठी तात्पुरता स्वरूपात परवानगी व ना हरकत प्रमाणपत्र घेणे गरजेचे असते. याशिवाय अग्निसुरक्षेच्या दृष्टीने अग्निशमन विभागाची परवानगी घ्यावी लागते. वसई विरार महापालिकेने ९ प्रभागात २०५ फटाके विक्रेत्यांना परवानगी दिलेली आहे. मात्र तरी सुध्दा विनापरवाने बेकायेदशीरपणे फटाके विक्रीची दुकाने जागोजागी थाटण्यात आली आहे.शहरात विविध ठिकाणच्या रस्त्यावर, फुटपाथ, रस्त्याच्या कडेला दुकाने उभारली आहेत. काही विक्रेत्यांनी कोणत्याही प्रकारची परवानगी न घेताच ही दुकाने उभारली आहेत. तर दुसरीकडे वाहतुकीला अडसर होऊ नये, याची खबरदारी घेतली गेलेली नाही. त्यामुळे अनेक रस्त्यांवर वाहतूक कोंडी होत असल्याचे चित्र आहे. विक्रेत्यांकडून आगप्रतिबंधक उपाययोजनांची अंमलबजावणी होत नसल्याने या ठिकाणी आग लागल्यास मोठी दुर्घटना होऊ शकते.
आणखी वाचा-अपुर्‍या जागेमुळे नायगाव पोलीस ठाण्याचा विस्तार कंटेनरमध्ये!
यामुळे पोलिसांनी अशा विक्रेत्यांविरोधात कारवाई करून गुन्हे दाखल करण्यास सुरवात केली आहे. मंगळवारी एकूण २० विक्रेत्यांविरोधात कारवाई करून गुन्हे दाखल करण्यात आले. सार्वजनिक रस्त्यालगत रहदारीस अडथळा निर्माण होऊन असे फटाक्याचे स्टॉल लावणे तसेच स्फोटक पदार्थ विक्री केल्याप्रकऱणी कलम १८८, २८३, २८६ सह स्फोटक पदार्थ अधिनियम १९८४ च्या कलम ९(ब) महाराष्ट्र पोलीस अधिनियम १९५१ च्या कलम ३३, एच १३१ अन्वये गुन्हे दाखल केले आहेत. त्यामध्ये वालीव ३, तुळींज २, माणिकपूर १, नायगाव ५,वसई २, नयानगर ४, वसई २ आणि आचोळे पोलीस ठाण्यात ३ गुन्हे दाखल आहे. सोमवारी देखील माणिकपूर पोलीस ठाण्यात २ गुन्हे दाखल करण्यात आले होते.
वसई- वसई विरार शहरात ठिकठिकाणी विनापरवाना फटाके विक्रीची दुकाने सुरू आहेत. अशा विक्रेत्यांविरोधात पोलिसांनी मोहीम उघडली आहे. मंगळवारी विविध पोलीस ठाण्यात तब्बल २० विक्रेत्यांविरोधात गुन्हे दाखल करण्यात आले आहेत.
दिवाळीच्या काळात फटाके विक्री करण्यासाठी तात्पुरता स्वरूपात परवानगी व ना हरकत प्रमाणपत्र घेणे गरजेचे असते. याशिवाय अग्निसुरक्षेच्या दृष्टीने अग्निशमन विभागाची परवानगी घ्यावी लागते. वसई विरार महापालिकेने ९ प्रभागात २०५ फटाके विक्रेत्यांना परवानगी दिलेली आहे. मात्र तरी सुध्दा विनापरवाने बेकायेदशीरपणे फटाके विक्रीची दुकाने जागोजागी थाटण्यात आली आहे.शहरात विविध ठिकाणच्या रस्त्यावर, फुटपाथ, रस्त्याच्या कडेला दुकाने उभारली आहेत. काही विक्रेत्यांनी कोणत्याही प्रकारची परवानगी न घेताच ही दुकाने उभारली आहेत. तर दुसरीकडे वाहतुकीला अडसर होऊ नये, याची खबरदारी घेतली गेलेली नाही. त्यामुळे अनेक रस्त्यांवर वाहतूक कोंडी होत असल्याचे चित्र आहे. विक्रेत्यांकडून आगप्रतिबंधक उपाययोजनांची अंमलबजावणी होत नसल्याने या ठिकाणी आग लागल्यास मोठी दुर्घटना होऊ शकते.
आणखी वाचा-अपुर्‍या जागेमुळे नायगाव पोलीस ठाण्याचा विस्तार कंटेनरमध्ये!
यामुळे पोलिसांनी अशा विक्रेत्यांविरोधात कारवाई करून गुन्हे दाखल करण्यास सुरवात केली आहे. मंगळवारी एकूण २० विक्रेत्यांविरोधात कारवाई करून गुन्हे दाखल करण्यात आले. सार्वजनिक रस्त्यालगत रहदारीस अडथळा निर्माण होऊन असे फटाक्याचे स्टॉल लावणे तसेच स्फोटक पदार्थ विक्री केल्याप्रकऱणी कलम १८८, २८३, २८६ सह स्फोटक पदार्थ अधिनियम १९८४ च्या कलम ९(ब) महाराष्ट्र पोलीस अधिनियम १९५१ च्या कलम ३३, एच १३१ अन्वये गुन्हे दाखल केले आहेत. त्यामध्ये वालीव ३, तुळींज २, माणिकपूर १, नायगाव ५,वसई २, नयानगर ४, वसई २ आणि आचोळे पोलीस ठाण्यात ३ गुन्हे दाखल आहे. सोमवारी देखील माणिकपूर पोलीस ठाण्यात २ गुन्हे दाखल करण्यात आले होते.
