अश्लील चित्रफितीच्या आधारे धमकावले, अल्पवयीन मुलीवर सामूहिक बलात्कार

पीडित मुलगी १५ वर्षांची असून नालासोपारा पूर्वेला राहते. १७ जानेवारी रोजी तिच्या घराजवळ राहणार्‍या अयान नावाच्या मुलाने तिला चांद पठाण या मुलाच्या घरी नेले. तेथे दोघांनी तिच्यावर लैंगिक अत्याचार केले. त्यानंतर चांद पठाण आणि अमीर अन्सारी या दोघांनी तिची अश्लील चित्रफित तयार केली. या प्रकरणाची कुठेही वाच्यता केली तर अश्लील चित्रफित वायरल करण्याची धमकी दिली.

आणखी वाचा

शिक्षकाचा सहावीतल्या विद्यार्थीनीवर बलात्कार; वाच्यता केल्यास खिडकीतून फेकण्याची दिली होती धमकी

‘मुलुंडचे लवकरच नवीन धारावी नामांतर’, संतप्त मुलुंडवासियांकडून मुलुंडमध्ये…

धक्कादायक! विद्यार्थिनीवर बलात्कार आणि खून करण्यासाठी विद्यार्थ्याने दिली १०० रुपयांची सुपारी

अश्लील कृत्य करणाऱ्या शिकवणी चालकाला सक्तमजुरी

पिंपरी : रावेतमध्ये अल्पवयीन मुलीवर अत्याचार

मुंबई : तरूणीवर बलात्कार करणाऱ्या रिक्षाचालकाला अटक

पुणे : धर्मांतर करण्यासाठी महिलेला डांबून ठेवून बलात्कार; विमानतळ पोलिसांकडून महिलेसह तिघांना अटक

मुंबईः इन्स्टाग्रामवरील मित्राकडून अल्पवयीन मुलीवर बलात्कार; खासगी छायाचित्र नातेवाईक व परिचीत व्यक्तींना पाठवले

यामुळे पीडित मुलगी प्रचंड घाबरली होती. यानंतर दुसऱ्या दिवशी दिला सलमान खान (१९) नावाच्या मुलाचा फोन आला. त्याच्याकडे अश्लील चित्रफित असल्याचे सांगून त्याने तिला ब्लॅकमेल केले आणि आपल्या घरी बोलावले. सलमानने देखील तिच्यावर बलात्कार करून पुन्हा तिची अश्लील छायाचित्रे काढली. अखेर हा प्रकार सहन न झाल्याने तिने गुरूवारी पेल्हार पोलीस ठाण्यात तक्रार दिली.

या तक्रारीवरून पेल्हार पोलिसांनी चौघा आरोपींविरोधात भारतीय न्याय संहितेच्या कलम ६५ (१), ७०(२), ७४,७७, ७९, ३५१(२) सह बालकांचे लैंगिक अत्याचारापासून संऱक्षण (पोक्सो) कायद्याच्या कलम ४, ८, १२ तसेच माहिती तंत्रज्ञान अधिनियमाच्या कलम ६७(बी) अन्वये गुन्हे दाखल केले आहेत, अशी माहिती पेल्हार पोलीस ठाण्याचे सहाय्यक पोलीस निरीक्षक अमोल तनपुरे यांनी दिली.

आरोपी पीडित मुलीच्या परिसरात राहणारे असून त्यांना अटक करण्यात आली आहे. त्यांना शुक्रवारी वसई न्यायालात हजर केले असता ४ फेब्रुवारी पर्यंत पोलीस कोठडी देण्यात आली आहे, अशी माहिती पेल्हार पोलीस ठाण्याचे पोलीस निरीक्षक दिलीप राख यांनी दिली. तक्रार दाखल होताच गुन्हा दाखल करून या प्रकरणातील सर्व आरोपींना अटक करण्यात आली आहे, अशी माहिती पेल्हार पोलीस ठाण्याचे वरिष्ठ पोलीस निरीक्षक जितेंद्र वनकोटी यांनी दिली.