वसई विरार मधील त्या ६ लॅबवर कारवाई करण्याचे मुख्यमंत्र्यांचे निर्देश, पोलिसांची मात्र चालढकल

वसई विरार शहरात खासगी लॅब मधून रुग्णांच्या जीवाशी चाललेला खेळ नुकताच उघडकीस आला होता. ६ खासगी लॅबमध्ये डॉक्टर राजेश सोनी याच्या स्वाक्षरीने रक्त, मलमुत्र तपासणीचे अहवाल दिले जात होते. विशेष म्हणजे सोनी याची मान्यता रद्द झाली असताना देखील तो स्वाक्षरी करून अहवाल देत होता. यामुळे रुग्णांना चुकीचे अहवाल जाऊन त्यांच्या आरोग्यालाच धोका निर्माण झाला होता. याप्रकरणी पालिकेने त्या ६ खासगी लॅबचालकांना नोटीसा पाठवल्या होत्या. मात्र बेकायेदशीरपणे स्वाक्षरी करणारा डॉक्टर राजेश सोनी आणि ६ लॅब चालकांवर कुठलाही गुन्हा दाखल झाला नव्हता.

आणखी वाचा

‘शिकारी खुद यहां शिकार हो गया’, सायबर चोरट्याचा पोलिसाला गंडा घालण्याचा प्रयत्न; नंतर झालं असं काही

महायुतीला सत्ता मिळाली, लाडक्या बहिणींना २१०० रुपये कधीपासून…

रवींद्र वायकर यांच्याविरोधातील जोगेश्वरी भूखंड घोटाळा प्रकरण बंद; गुन्हे शाखेने दाखल केलेला अहवाल न्यायालयाने स्वीकारला

स्वारगेट एसटी स्थानकात चोरट्यांचा उच्छाद, प्रवासी तरुणाकडील साडेसहा लाखांचे दागिने चोरीला

मुंबई : गस्तीवर असलेल्या पोलीस अधिकाऱ्यावर हल्ला

निवडणुकीच्या धामधुमीत ९९ आरोपी तडीपार…गेल्या १० वर्षात पहिल्यांंदाच…

SC on Bulldozer Action: ‘बुलडोझर कारवाई’बाबत सर्वोच्च न्यायालयाचा मोठा निकाल; प्रक्रियेवरच उपस्थित केलं प्रश्नचिन्ह!

हेही वाचा : वसई : १० वर्षांनंतर पालिकेचा घनकचरा प्रकल्प सुरू, कचराभूमीतील साचलेल्या कचऱ्यावर होणार प्रक्रिया

याबाबत मुंबईच्या दिंडोशी विधानसभा मतदारसंघाचे आमदार सुनिल प्रभू यांनी विधानसभेत तारांकीत प्रश्न उपस्थित केला होता. श्रीजी पॅथोलॉजी लॅब, पार्थ डायग्नोस्टीक सेंटर, गेटवेल क्लिनिकल लॅबोरेटरी, ग्लोबल केअर ॲण्ड वेल्फेअर डायग्नोस्टिक सेंटर आणि धन्वंतरी या लॅबमध्ये गुजरातच्या मान्यता रद्द झालेल्या डॉक्टरच्या स्वाक्षरीचा अहवाल कसा दिला जात आहे? असा प्रश्न विचारला होता. त्यावर उत्तर देताना मुख्यमंत्री एकनाथ शिंदे यांनी हा प्रकार खरा असल्याचे मान्य केले. मान्यता रद्द असताना गुजरातमध्ये बसून ६ लॅब चालकांना अहवाल देणार्‍या डॉक्टर राजेश सोनी याच्यावर कारवाई करण्याचे निर्देश महाराष्ट्र वैद्यकीय परिषद (महाराष्ट्र मेडिकल काऊन्सिल)ला दिले. तसेच संबंधित ६ लॅब चालकांवर गुन्हे दाखल करून कारवाई करण्याचे आदेश पोलिसांना दिले.

हेही वाचा : वसई : अर्नाळा पोलीस ठाण्यातील जप्त वाहनांना आग, १२ चारचाकी जळून खाक

६ लॅब बंद, पोलिसांकडून कारवाईसाठी चालढकल

या सर्व ६ खासगी लॅब बंद करण्यात आल्याची माहिती मुख्यमंत्र्यांनी दिली. मात्र स्थानिक पोलिसांना वारंवार पत्रव्यवहार करूनही त्यांच्यावर गुन्हे दाखल झालेले नाहीत. त्यामुळे पालिकेचे अतिरिक्त आयुक्त अजिंक्य बगाडे यांनी आता पोलीस आयुक्तांनाच तक्रार केली आहे. याप्रकरणी एकूण ५ वेळा पत्रव्यवहार केला होता तरी कारवाई केलेली नाही, असे या पत्रात म्हटले आहे. कारवाई करण्यासाठी पालिकेने विधानसभेतील तारांकीत प्रश्नाचाही हवाला दिला आहे. त्यामुळे आता पोलीस कधी कारवाई करतात त्याकडे लक्ष लागले आहे.