विरारमध्ये इमारतीच्या बेडरूमचा स्लॅब कोसळला; तरुणीचा मृत्यू

वसई : विरारमध्ये एका इमारतीच्या बेडरूम मधील छताचा स्लॅब अंगावर पडल्याने एका तरुणीचा मृत्यू झाल्याची घटना घडली आहे. बुधवारी रात्री ही दुर्घटना घडली. विरार पूर्वेच्या मनवेल पाडा येथील सी. एम. नंगर येथे दादू प्लाझा इमारत आहे. ही इमारत १० वर्ष जुनी आहे. या इमारतीच्या पहिल्या मजल्यावरील १०२ क्रमांकाच्या सदनिकेत पवार कुटुंबिय राहतात.