विरार मध्ये तीन अल्पवयीन मुलींवर बलात्कार, आरोपी फरार

मुलगी असहाय्य होती आणि आरोपी कदम याच्या धमकीमुळे ती गप्प बसली होती. दरम्यान, डिसेंबर मध्ये या पीडित मुलीच्या शेजारी एक कुटुंब राहण्यासाठी आले. त्यांच्या १३ वर्षांच्या दोन मुली होत्या. त्या मुलींची ओळख या पीडित मुलीशी झाली आणि घरी येजा सुरू झाली. आरोपी कदम याची या मुलींवर नजर पडली. ३१ डिसेंबरच्या रात्री आरोपीने आपल्या घरी एका मेजवानीचे (पार्टी) आयोजन केले आणि या दोन्ही मुलींनाही घरी बोलावले. त्यांना मद्य पाजून आरोपी कदम याने यो दोन्ही बहिणींवरही बलात्कार केला. मागील दिड महिन्यापासून हा प्रकार सुरू होता, अशी माहिती विरार पोलीस ठाण्याचे वरिष्ठ पोलीस निरीक्षक लालू तुरे यांनी दिली.

याप्रकरणी सोमवारी १३ वर्षाच्या मुलीने विरार पोलीस ठाण्यात तक्रार दाखल केली. विरार पोलिसांनी आरोपी कमलाकर कदम याच्याविरोधात भारतीय न्याय संहितेच्या कलम ६४(२) (एम) ६५ (१) तसेच पोक्सो कायद्याच्या कलम ४, ८, १२ अन्वये गुन्हा दाखल केला आहे. आरोपी सध्या फरार असून आम्ही त्याचा शोध घेत आहोत अशी माहिती विरार पोलीस ठाण्याचे सहाय्यक पोलीस निरीक्षक संतोष सोलनकर यांनी दिली.