Land encroachments fish drying reserve ysh 95 | अर्नाळय़ात मासळी सुकविण्याच्या राखीव जागेतील अतिक्रमणे जमीनदोस्त

विरार पश्चिमेच्या अर्नाळा परिसरात स्थानिक मच्छीमारांना मासळी सुकविण्याच्या राखीव जागेत अतिक्रमण करम्ण्यात आले होते.

संग्रहित छायाचित्र

महसूल विभागाची कारवाई; ५० हून अधिक झोपडय़ा जमीनदोस्त

वसई: विरार पश्चिमेच्या अर्नाळा परिसरात स्थानिक मच्छीमारांना मासळी सुकविण्याच्या राखीव जागेत अतिक्रमण करम्ण्यात आले होते. या प्रकरणी महसूल विभागाने बुधवारी कारवाई करीत ५० झोपडय़ा जमीनदोस्त करून जागा मोकळी करण्यात आली आहे. विरार पश्चिमेच्या भागात अर्नाळा परिसर आहे. या भागात मोठय़ा संख्येने मच्छीमार बांधव राहत आहेत. त्यांना मासळी सुकविण्यासाठी सव्‍‌र्हे क्रमांक ४५ ही गुरुचरण जागा राखीव ठेवण्यात आली आहे. मात्र या जागेत काहींनी अतिक्रमण करून झोपडय़ा व घरे उभारण्यात आली होती. त्यामुळे मच्छीमार बांधवांना मासळी सुकविण्यासाठी अडचणी निर्माण होत होत्या. आधीच विविध प्रकारच्या संकटांना तोंड देत मच्छीमार बांधव सावरण्याचा प्रयत्न करीत आहेत. असे असताना अशा प्रकारे अतिक्रमण करून त्यांची जागा हडप करण्याचा प्रयत्न भूमाफियानी सुरू केला होता. यावर कारवाई करण्यात यावी अशा तक्रारी अनेकदा येथील नागरिकांनी महसूल विभागाकडे केल्या होत्या. याच अनुषंगाने बुधवार, १६ फेब्रुवारी रोजी महसूल विभागाने मासळी सुकविण्यासाठी राखीव असलेल्या जागेतील अतिक्रमणावर कारवाई करण्यात आली आहे. या कारवाईत जेसीबीच्या साहाय्याने ५० झोपडय़ा व काही घरे तोडण्यात आली असल्याची माहिती वसईचे प्रांताधिकारी स्वप्निल तांगडे यांनी सांगितले आहे. या कारवाईसाठी महसूल विभागाचे अधिकारी, ग्रामपंचायत, पोलीस प्रशासन यांच्या मदतीने ही कारवाई पूर्ण करण्यात आली आहे. या राखीव जागेतील अतिक्रमण हटविल्याने आता पुन्हा एकदा मच्छीमारांची मासळी सुकविण्याची जागा मोकळी झाली आहे. त्यामुळे मच्छीमार बांधवांना मोठा दिलासा मिळाला आहे.

आणखी वाचा

स्थलांतरातून बहरलेली खाद्यसंस्कृती

Ravindra Chavan : ‘उपरा’ डोंबिवलीकर ते भाजप प्रदेश…

way to reduce human-wildlife conflict is through Chandrapur says Forest Minister Ganesh Naik

मानव-वन्यजीव संघर्ष कमी करण्याचा मार्ग चंद्रपुरातूनच – वनमंत्री

cotton price farmers are still facing problems

कापूस उत्‍पादकांची परवड ‘सीसीआय’नेही घटवले दर…

शेतीमाल हमीभावाने खरेदी न करणाऱ्या व्यापाऱ्यांवर कारवाई करा, कृषी आयुक्तांचे आदेश

नागपूर पोलिसांना झाले तरी काय? दोन वसुलीबाज हवालदार निलंबित

Comprehensive development of the village in Palghar district with the help of schemes

समृद्ध गावांसाठी खोमारपाडा प्रारूप; योजनांच्या मदतीने पालघर जिल्ह्यातील गावाचा सर्वांगीण विकास

Local villagers experienced thrill fight between two tigers in Wasada Makta area

‘त्या’ दोन वाघांमध्ये झुंजीचा थरार; रक्ताचा सडा, पण…

किनाऱ्यावरील अतिक्रमण

अर्नाळा समुद्रकिनारपट्टीच्या भागातही काहींनी अतिक्रमण करून छोटी दुकाने, हॉटेल सुरू केले आहेत. ते अतिक्रमण हटविण्याचे काम ही महसूल विभागाकडून सुरू करण्यात आले आहे.

कारवाई करीत असल्याने येथील नागरिकांच्या दैनंदिन रोजगाराचा प्रश्न निर्माण होणार असल्याचे नागरिकांनी सांगितले आहे.

समुद्रकिनारी उभारण्यात आलेले धाबे व दुकाने ही महसूल विभागाच्या जागेत नसून ते वनविभागाच्या जागेत आहेत. यासाठी आधी याची योग्य ती शहानिशा करावी व मगच पुढील निर्णय घ्यावा, अशी विनंती ही येथील ग्रामस्थांनी केली आहे.

अर्नाळा सव्‍‌र्हे क्रमांक ४५ येथील गुरुचरण जागा ही मच्छीमारांना राखीव ठेवली आहे. त्यावर अतिक्रमणे झाल्याच्या तक्रारी प्राप्त झाल्या होत्या. त्यानुसार नोटिसा पाठवून हे अतिक्रमण हटविण्यात आले आहे.

— स्वप्निल तांगडे, प्रांताधिकारी वसई तालुका

First published on: 17-02-2022 at 00:02 IST

Web Title: Land encroachments fish drying reserve ysh