विरारमध्ये नवविवाहितेची हत्या

वसई : विरारमध्ये राहणाऱ्या एका नवविवाहितेची हत्या झाल्याचे उघड झाले आहे. या प्रकरणी पोलिसांनी एका आरोपीला अटक केली असून या महिलेचा पती फरार आहे. विरार पूर्वेच्या शंकर पाडय़ातील जीवदानी अपार्टमेंटमध्ये राहणाऱ्या प्रियंका उर्फ पिंकी पाटील (२५) हिचा मृतदेह १ फेब्रुवारी रोजी आढळला होता. या प्रकरम्णी पोलिसांनी अकस्मात मृत्यूची नोंद केली होती. मात्र तिचा पती फरार असल्याने पोलिसांना संशय आला. तिच्या मृतदेहाचे शवविच्छेदन केल्यानंतर तिची गळा आवळून हत्या झाल्याचे उघड झाले.