विरारमध्ये विधि महाविद्यालयाच्या प्राचार्याचा राजीनामा; राजकीय वातावरणामुळे अस्वस्थ असल्याचे पत्र

 महाविद्यालयात २०१९ पासून डॉ. बतुल हमीद या प्राचार्य म्हणून कार्यरत होत्या. अचानक त्यांनी ई-मेलद्वारे महाविद्यालय व्यवस्थापनाला राजीनामा पाठवला आहे. गेल्या काही दिवसांपासून देशातील राजकीय वातावरण अस्थिर झाले आहे.  त्यामुळे महाविद्यालय विश्वस्तांकडून माझा छळ केला जात आहे. अशा वातावरणात मला काम करणे शक्य होणार नाही असे कारण देत त्यांनी हा राजीनामा दिला आहे.

आणखी वाचा

अनुदानित खासगी आयुर्वेद, युनानी महाविद्यालयांना मिळणार प्राध्यापक; वैद्यकीय शिक्षण विभागाकडून निवड समितीची रचना जाहीर

१७ ऑक्टोबर पंचांग: धनसंपत्ती की प्रचंड यश, गुरुवारी…

अमर्याद काळासाठी विद्यार्थ्याची हकालपट्टी म्हणजे त्याच्या शैक्षणिक कारकीर्दीचा मृत्यूच

नव्याने मंजूर वैद्यकीय महाविद्यालयात चालू सत्रातच प्रवेश, राज्यात एमबीबीएसच्या ८०० जागा…

चंद्रपूर : धक्कादायक! ‘बीएएमएस’च्या विद्यार्थिनीचा वसतिगृहात झोपेतच मृत्यू…

महाविद्यालयाच्या आवारात अत्याचार प्रकरणी संस्थाचालकांवर गुन्हा दाखल करण्याची मागणी – MVA कडून आयुक्तालयासमोर आंदोलन

पुणे : महाविद्यालयाच्या आवारातच युवतीवर अत्याचार, चार महाविद्यालयीन युवकांवर गुन्हा

मुंबई विद्यापीठ अधिसभा निवडणूक ठाकरे गटाच्या युवा सेनेची मुंबई उच्च न्यायालयात धाव,आदित्य ठाकरेंच्या उपस्थितीत मातोश्रीवर युवा सेनेच्या उमेदवारांची बैठक

या संदर्भात करण्यात आलेले आरोप  निराधार असल्याची प्रतिक्रिया महाविद्यालयाचे विश्वस्त आणि आमदार हितेंद्र ठाकूर यांनी दिली. आमची संस्था मागील पस्तीस वर्षांपासून कार्यरत आहे. संस्थेमध्ये अनेक मुस्लीम पदाधिकारी कार्यरत आहे. आजवर कोणाला त्रास झाला नाही. हिजाब प्रकरणामुळे त्यांना राजीनामा द्यावा लागला, या आरोपात तथ्य नसल्याचे त्यांनी स्पष्ट  केले.

या प्रकरणी अर्नाळा सागरी पोलिसांनी विवा महाविद्यालयात चौकशी केली. प्राचार्या डॉ. बतुल हमीद यांनी आमच्याकडे कुठलीही तक्रार केलेली नाही. त्यांनी दिलेल्या राजीनाम्यात हिजाब प्रकरणाचा कुठलाही उल्लेख केला नसल्याचे अर्नाळा सागरी पोलीस ठाण्याचे वरिष्ठ पोलीस निरीक्षक राजू माने यांनी सांगितले.

 महाविद्यालयातील सर्व विश्वस्तांनी छळ केल्यामुळे राजीनामा देत असल्याचे त्यांनी सांगितले आहे. मात्र नेमका कुणी आणि काय छळ केला हे त्या सांगू शकल्या नाहीत. आम्ही त्यांचा सविस्तर जबाब नोंदविणार आहोत, असेही त्यांनी सांगितले.