सागरी किनारे गजबजले; पर्यटकांच्या वाढत्या गर्दीमुळे अपघाताची शक्यता

करोना काळामुळे मागील दोन वर्षांपासून वसई तालुक्यातील सागरी किनारे ओस पडले होते. पण करोना निर्बंध हळूहळू कमी होत असल्याने तसेच मुंबईच्या अतिशय जवळ असल्याने वसईच्या किनारी पर्यटकांची गर्दी वाढत आहे. मुंबई आणि आसपासच्या परिसरातून मोठय़ा प्रमाणावर पर्यटक विरंगुळा म्हणून सागरी किनाऱ्यावर दाखल होत आहेत. अनेकदा या किनाऱ्यांवर मोठी वाहने आणली जातात. त्यामुळे वाहतुकीला अडथळा निर्माण होतो आहे. चारचाकी आणि दुचाकी वाहने तर जागा मिळेल, तिथे लावली जातात. स्थानिकांना याचा मोठा त्रास सहन करावा लागत आहे. अनेक पर्यटक सागरी किनाऱ्यावर मद्यपान करून वाहने हाकत असल्याने अपघाताच्या घटनांत वाढ झाली आहे.

आणखी वाचा

असुरक्षित टेकड्या; भयभीत पुणेकर

१७ ऑक्टोबर पंचांग: धनसंपत्ती की प्रचंड यश, गुरुवारी…

परतीच्या पावसामुळे उरणमधील शेतीचे नुकसान, कृषी विभागाने पंचनामे करण्याची शेतकऱ्यांची मागणी

लोकशिवार: कांद्याच्या बनावट बियाण्यांचा धोका

दिवाळीच्या दिवसात फटाक्यांमुळे होऊ शकते तुमच्या गाडीचे नुकसान; सुरक्षेसाठी महत्त्वाच्या टिप्स

जगभरातील नद्यांचे नाले झाले, कारण…

अस्वच्छ किनाऱ्यांवरून पालिकेची कानउघाडणी; समुद्रातील ‘प्लास्टिक’ सागरी जीवांवर नाही, तर मानवांवरही दुष्परिणाम

द्रोणागिरी परिसर खड्ड्यांत; पाऊस थांबल्याने मार्गावरील धुळीच्या उधळणीने प्रवासी आणि नागरिक त्रस्त

वाढत्या गर्दीमुळे आता सागरी किनारी कचराही मोठय़ा प्रमाणात होतो आहे. पालिकेने तसेच स्थानिक ग्रामपंचायतीने किनाऱ्यांवर कचरा कुंडय़ा ठेवलेल्या असूनही पर्यटक त्या वापरत नसल्याचे दिसते. त्यामुळे किनाऱ्यांवर कचरा साचला आहे. त्यातच समुद्राचे पाणी मिसळून  संपूर्ण परिसरात दरुगधी आणि घाणीचे साम्राज्य निर्माण झाले आहे.

होळीला लागून आलेल्या सुट्टय़ांमध्ये तीन दिवसांत हजारो पर्यटकांनी अर्नाळा किनारी हजेरी लावली होती. त्यावेळी जीवरक्षकाने मनाई करूनही १०-१५ जणांचा एक समूह पाण्यात उतरला होता. जीवरक्षकांसोबत त्यांनी वादही घातला होता.   त्यावेळी काही काळ येथे तणावाचे वातावरण निर्माण झाले होते. या सगळय़ा गोंधळात इतर पर्यटकांवर लक्ष ठेवणे, जीवरक्षकांना जिकिरीचे झाले होते.

किनारे आणि पर्यटक दोन्ही धोक्यात

वसईला जवळपास २१ किमीचा सागरी किनारा लाभला आहे. यात अर्नाळा, राजोडी, पाचूबंदर, सुरुची येथे मोठय़ा प्रमाणात पर्यटक येतात. परंतु येथे केवळ ५-६ सुरक्षारक्षक आहेत. इतक्या मोठय़ा संख्येने येणाऱ्या पर्यटकांसाठी ते साहजिकच कमी पडतात. पोलीसही येथे गस्त घालत नाहीत. त्यामुळे मद्यपी आणि गर्दुल्यांवर कोणताही अंकुश राहिलेला नाही.