वैधता तारीख न छापता मिठाईची विक्री ; मिठाई विक्रेत्यांकडून शासनाच्या नियमाची पायमल्ली

वसई, विरार परिसरात खाद्य पदार्थात मोठय़ा प्रमाणात भेसळ केली जात असल्याचे अनेक प्रकार समोर आले आहेत. सध्या सणासुदीच्या दिवसात मिठाईमध्ये भेसळ केल्याच्या घटना समोर आल्या आहेत. यामुळे भारतीय खाद्य सुरक्षा तथा मानक प्राधिकरण भारत सरकार यांनी खुली मिठाई विकताना तयार उत्पादन आणि मुदतीचा कालावधी बंधनकारक केला आहे. भेसळयुक्त पदार्थ आणि अन्नातून होणारी विषबाधा रोखण्यासाठी हे पाऊल उचलण्यात आले होते. असे असतानाही वसई-विरार शहरातील मिठाई विक्रेते हा नियम पाळत नाहीत. यात स्थानिक अन्न व औषध प्रशासनाकडून या संर्दभात कोणताही कारवाई केली जात नाही.

आणखी वाचा

प्रियंका गांधीना लोकशाहीचा आदर नाही,कंगना रानौतची टीका..

Nana Patole : निकालाआधी राजकीय घडामोडींना वेग; यातच…

डोंबिवलीत म्हात्रेनगरमध्ये प्रतिबंधित तंबाखुजन्य पदार्थांचा साठा जप्त

‘सेफ’ राहण्यासाठी, एक होण्यापेक्षा…

बहुराष्ट्रीय खाद्य उत्पादक कंपन्या भारतात हलक्या प्रतीची उत्पादने विकतात? काय सांगतो नवा अहवाल?

पाेलिसांच्या नियोजनामुळे वाहतूक सुरळीत-पंतप्रधानांच्या सभेसाठी कडक बंदोबस्त

सराफी पेढीत खरेदीच्या बहाण्याने चोरी करणाऱ्या तरुणीसह साथीदार गजाआड; पुणे, मुंबई, ठाण्यात चोरीचे गुन्हे

यामुळे मिठाई विक्रेते सर्रास नियमांची पायमल्ली करताना दिसत आहेत. काही मोठय़ा मिठाई विक्रेत्यांनी यातून पळवाटा शोधत मिठाईचा वापर २४ तासाच्या आत वापर करावा असा संदेश मिठाईच्या आवरणावर छापला जातो. पण मिठाई कधी बनवली आणि किती वेळेपर्यंत खाण्या योग्य आहे. याचा कोणताही उल्लेख करत नाहीत. यामुळे ग्राहकास दुकानात मिळणारी मिठाई दुकानदाराने कधी बनवली याचा कोणताही पत्ता लागत नाही. उत्पादन आणि वैधतेची कोणतीही माहिती मिळत नसल्याने मिठाई ताजी आहे की नाही  हे समजणे कठीण होते. आणि अशी मिठाई खाल्यास नागरिकांच्या आरोग्याला धोका पोहचू शकतो. यामुळे त्यावर उत्पादनाची तारीख आणि वापराचा कालावधी नमूद करणे आवश्यक आहे. यासंदर्भात अन्न व औषध प्रशासनाकडे तक्रारी करूनही कोणतीही कारवाई केली जात नसल्याने भेसळखोर सक्रिय झाले आहेत. तर दुसरीकडे मिठाई विक्रेते सदरच्या नियमाबाबत कोणतीही माहिती नसल्याचे सांगत आपली बाजू सांभाळत आहेत. पण यात सामान्य नागरिकांच्या आरोग्याला धोका निर्माण झाला आहे.