वसई-विरारमधील उद्यानांना पुन्हा झळाळी मिळणार

वसई: करोनाच्या संकटकाळात शहरातील उद्यानेही बंद ठेवण्यात आली होती. त्यामुळे अनेक ठिकाणी उद्यानांची अवस्था ही बिकट झाली आहे. या उद्यानांना पुन्हा नवी झळाळी देण्यासाठी पालिकेने पावले उचलली असून प्रत्येक उद्यानाची पाहणी करण्यास सुरुवात केली आहे. वसई-विरार महापालिकेने पालिकेच्या क्षेत्रात उद्याने विकसित केली आहेत. शहरात एकूण दीडशे उद्याने आहेत. मागील दोन वर्षांपासून सातत्याने करोनाचे संकट उभे राहत असल्याने अनेकदा ही उद्याने बंद ठेवण्यात आली आहेत. उद्याने बंद असल्याने काही ठिकाणी उद्यानांच्या देखभाल-दुरुस्तीकडे दुर्लक्ष झाले आहे. उद्यानांचा व उद्यानात बसविलेले साहित्य, खेळणी तुटलेली- गंजलेली, गेट तुटलेले, संरक्षक भिंतीची दुरवस्था, तर काही ठिकाणी गेटच्या जाळय़ा निघाल्या, बसण्याची बाकडे खराब झालेल्या स्थितीत असल्याचे चित्र दिसून येत आहे. याबाबत पालिकेकडेही नागरिकांमार्फत उद्यानांची दुरुस्ती करण्यासाठीच्या तक्रारी येत आहेत. अखेर पालिकेने या शहरातील उद्याने पुन्हा सौंदर्याने फुलविण्यासाठी प्रयत्न सुरू केले आहेत. पालिकेचे आयुक्त अनिलकुमार पवार यांनीही  शहरातील उद्यानांची स्थिती जाणून त्यावर उपाययोजना करण्याच्या सूचना उद्यान विभागाला देण्यात आल्या आहेत. याच अनुषंगाने शहरातील उद्यानांचे सर्वेक्षण करण्याचे काम  उद्यान विभागाकडून सुरू करण्यात आले आहे. प्रत्येक उद्यानात जाऊन प्रत्यक्ष भेटी देऊन उद्यानातील साहित्य, खेळणी, झाडे व एकूणच स्थिती जाणून घेतली जात आहे व त्यानूसार पुढील दुरुस्ती व इतर कामे मार्गी लागणार असल्याची माहिती पालिकेच्या उद्यान विभागाकडून सांगण्यात आली.

आणखी वाचा

वर्धा : प्रजननकाळच बिबट्यांच्या जीवावर उठतोय, जंगल सोडून रस्त्यावर येतात, आणि….

शरद पवारांचं राज ठाकरेंना आव्हान; जातीयवादाच्या टीकेवर म्हणाले,…

नागपूर : खाद्यपदार्थ विक्रेत्यांकडून हप्तेखोरीतून लाखोंची उलाढाल; नागरिकांकडून चौकशीची मागणी

डोंबिवली एमआयडीसीतील कावेरी चौकाला फेरीवाल्यांचा विळखा, विद्यार्थ्याच्या मृत्युमुळे कावेरी चौक फेरीवाला मुक्त करण्याची मागणी

राष्ट्रकुल क्रीडा स्पर्धेतून प्रमुख खेळांना वगळण्याचा निर्णय वादग्रस्त का? भारताच्या पदक आकाक्षांना जबर तडाखा?

वस्त्रोद्योगात ९५ हजार कोटींची गुंतवणूक अपेक्षित; पीएलआय’मुळे परदेशी गुंतवणूकदारांतही वाढते आकर्षण

धाराशिव शहरातील खड्ड्यांमुळे तरुणाचा गेला नाहक बळी, सोमवारी शहर बंदची हाक

१३ कोटींची जमीन शिर्डी संस्थानला मोफत; वित्त विभागाचा विरोध डावलून सरकारचा निर्णय, क्रीडा संकुल उभारणीचा प्रस्ताव

आयुक्तांच्या  आदेशानुसार शहरातील उद्यानांचे सर्वेक्षण सुरू केले आहे. उद्यानांत कोणकोणत्या समस्या आहेत याचा आढावा घेण्याचे काम आम्ही सुरू केले आहे. त्यानुसार पुढील दुरुस्तीची कामे व नवीन साहित्य बसविण्याची कामे केली जाणार आहेत. 

 -नयना ससाणे, उपायुक्त वृक्ष प्राधिकरण व उद्यन विभाग