बांग्लादेश नावाचा फलक मनसेने काढून टाकला, लोकसत्तेच्या बातमी नंतर उसळला जनक्षोभ

उत्तन परिसरात असलेल्या इंदिरानगर वसाहतीचे नामकरण करून बांगलादेश वसाहत करण्यात आले होते. याबाबतचे वृत्त लोकसत्ताने शनिवारी प्रसिद्ध केले. या बातमीनंतर एकच खळबळ उडाली होती. ‘बांगलादेश’ नामकरण करण्यात आल्याबद्दल सर्व स्तरातून तीव्र संताप व्यक्त करण्यात येत होता. यामुळे शनिवारी रात्री मनसेच्या कार्यकर्त्यांनी पालिकेच्या परिवहन थांब्याच्या फलकाला काळे फासले तसेच बांगलादेश नाव असलेला बस थांबाच काढून फेकला. आपल्या देशात बेकायदेशीरपणे देण्यात आलेले बांगलादेश हे नाव खपवून घेतला जाणार नाही असा इशारा मनसे कार्यकर्त्यांनी यावेळी दिला