मिरा भाईंदर मधील भाजपच्या दोन गटात तुफान हाणामारी; मेहता विरुद्ध व्यास गटाचे मतभेद शिगेला

आगामी लोकसभा निवडणुकीच्या अनुषंगाने मीरा भाईंदर मधील भाजप पक्षाच्या कार्यकर्ते व पदाधिकाऱ्यांची विशेष बैठक प्रदेश गुरुवारी कार्यकारणीने बोलावली होती. या बैठकीला मिरा भाईंदर भाजपचे प्रभारी जे. पी ठाकूर उपस्थितीत राहणार होते.  गुरुवारी संध्याकाळी मिरा रोडच्या गोल्डन नेस्ट येथील ब्लु मुन क्लब येथे ही बैठक आयोजित करण्यात आली होती. या बैठकीत माजी आमदार नरेंद्र मेहता व रवी व्यास यांच्या गटातील कार्यकर्ते उपस्थित होते.

आणखी वाचा

भाजपच्या चिंचवडच्या गडात शरद पवार यांचा पहिल्यांदाच रोड-शो; नागरिकांचा प्रतिसाद

Nana Patole : निकालाआधी राजकीय घडामोडींना वेग; यातच…

शिवसैनिकांकडून विरोधी उमेदवाराचा प्रचार; महिला कार्यकर्त्यांच्या चित्रफिती प्रसारीत, महायुतीत एकवाक्यता नाहीच

हरिभाऊ बागडे यांच्या मतदारसंघात भाजपला गड राखण्याचे आव्हान

काँग्रेस उमेदवार धावत गेला भाजप कार्यालयात…आतमध्ये जे घडले…

मूर्तिजापूरमध्ये भाजप व वंचितमध्ये लढा, राष्ट्रवादीला बंडखोरी व अंतर्गत नाराजीचा फटका बसण्याची चिन्हे

भाजपच्या बंडखोर अपक्ष उमेदवाराला वंचितचे बळ, ‘कोणाच्या’अडचणी वाढणार…

हेही वाचा >>> वस‌ईच्या औद्योगिक वसाहतीत भीषण आग; औद्योगिक कचऱ्यामुळे आग लागल्याचा शक्यता

यावेळी कार्यक्रमात रवी व्यास यांना सन्मान न देता डावलल्याने त्यांचे समर्थक संतप्त झाले होते. काही वेळाने हे संतप्त कार्यकर्ते थेट मंचावर चढले. हे पाहून नरेंद्र मेहता समर्थक देखील आक्रमक झाले. सुरुवातीला शाब्दिक वादाने सुरु झालेल्या हा वाद काही क्षणातच हाणामारीत रूपांतरित झाला. त्यामुळे जिल्हाध्यक्ष किशोर शर्मा यांनी  मध्यस्थी करण्याचा प्रयत्न केला. परंतु व्यास यांच्या कार्यकर्त्यांनी त्यांना देखील मारहाण केली.यामुळे दोन्ही गटातील वाद अजून चिघळला गेला आणि हाणामारी सुरू झाली. यामुळे तणावाचे वातावरण निर्माण झाले आहे. या घटनेची चित्रफित  समाजमाध्यमावर व्हायरल झाली आहे. या प्रकारामुळे मीरा भाईंदरच्या राजकीय वर्तुळात चर्चांना उधाण आले आहे.

मेहता आणि व्यास आगामी विधानसभा निवडणूक भाजप पक्षातून लढण्यास इच्छुक

मिरा भाईंदर भाजप पक्षात मागील तीन वर्षांपासून माजी आमदार नरेंद्र मेहता आणि रवी व्यास यांचे दोन उभे गट पडले आहे. यामध्ये मेहता आणि व्यास हे दोघे देखील आगामी विधानसभा निवडणूक भाजप पक्षातून लढण्यास इच्छुक आहेत. यात मेहता यांच्या पाठीशी माजी नगरसेवकांची मोठी फौज असून जिल्हाध्यक्ष देखील त्यांचे समर्थक आहेत. तर व्यास यांनी  देखील मध्यल्या काळात काही नगरसेवकांचा आणि कार्यकर्त्यांचा पाठिंबा मिळवून आपली ताकद वाढवली आहे.