नालासोपाऱ्यात व्यायाम प्रशिक्षकाचा श्वास कोंडल्याने दुर्दैवी मृत्यू

वसई : नालासोपाऱ्यात व्यायाम प्रशिक्षकाचा श्वास कोंडून दुर्दैवी मृत्यू झाल्याची घटना समोर आली आहे. देविदास विनायक जाधव (३५) असे या प्रशिक्षकाचे नाव आहे. नालासोपारा पश्चिम, यशवंत गौरव येथील शालिभद्र यश अपार्टमेंट मध्ये राहणाऱ्या देविदास जाधव याला १ जानेवारी रोजी सायंकाळी साडेसातच्या सुमारास अचानक श्वास घेण्यास त्रास होऊ लागला होता. त्यानंतर त्यांना बेशुद्धावस्थेत घरच्यांनी व इमारतीमधील लोकांनी नालासोपारा येथील रिद्धी विनायक हॉस्पिटलमध्ये उपचारासाठी दाखल केले होते.

मात्र तेथील डॉक्टरांनी त्यांना तपासून मृत घोषित केले. याप्रकरणी नालासोपारा पोलीस ठाण्यात अकस्मात मृत्यूची नोंद करण्यात आल्याची माहिती वरिष्ठ पोलीस निरीक्षक विलास सुपे यांनी सांगितले आहे. देविदास हा नालासोपारा पश्चिम नाळा डिसिल्वानगर येथील ‘द फिटनेस कार्डेस’ या व्यायाम शाळेत तरुणांना व्यायामाचे धडे देत होते. व्यायाम प्रशिक्षकाचा असा दुर्दैवी मृत्यू झाल्याने हळहळ व्यक्त करण्यात येत आहे.

आणखी वाचा

शिक्षणासाठी पुण्यात आलेल्या अनेक विद्यार्थ्यांची आबाळ, आरोग्य सर्वेक्षणातून काय झाले उघड?

Goa Tourism : गोव्याकडे देश-विदेशातील पर्यटकांची पाठ? शॅक…

Vinod Kambli : विनोद कांबळीचं वक्तव्य, “मी मरणार नाही, सचिनला निरोप द्या, मी लवकरच…”

हक्कासाठी लढणाऱ्या विद्यार्थ्यांना शहरी नक्षली ठरवण्याचा प्रयत्न – एनएसयूआय

कल्याणमध्ये भाजपच्या ज्येष्ठ कार्यकर्त्यावर प्राणघातक हल्ला, आरोपींच्या तात्काळ अटकेसाठी भाजपचा आंदोलनाचा इशारा

बालमैफल: जिंगल बेल… जिंगल बेल…

Nana Patekar : “मी अजूनही आरशासमोर ट्रायसेप्स …” वयाच्या ७५ व्या वर्षी नाना पाटेकर आहेत एकदम फिट; जाणून घ्या त्यांचे फिटनेस सीक्रेट

प्रशिक्षणार्थी वैमानिक तरुणीमुळे सहा जणांना जीवदान