वसई- भाईंदर रो रो सेवेच्या फेऱ्यांमध्ये वाढ

वसई : वाढती प्रवाशांची संख्या लक्षात घेता वसई- भाईंदर रो रो सेवेच्या फेऱ्यांमध्ये वाढ करण्यात आली आहे. नवीन सहा फेऱ्या वाढवून आता ९ ऐवजी दिवसाला १५ फेऱ्या केल्या जाणार आहेत. २६ जानेवारीपासून या फेऱ्या सुरू केल्या जाणार आहेत.

आणखी वाचा

शुक्र देणार गडगंज श्रीमंती! मालव्य राजयोगाच्या प्रभावाने ‘या’ तीन राशींवर होणार देवी लक्ष्मीची कृपा

Jalgaon Train Accident : कर्नाटक एक्स्प्रेसच्या चालकाने भोंगा वाजवला…

वडील तिसरी उत्तीर्ण तर आई निरक्षर, मुलगा शास्त्रज्ञ झाला, आता परदेशी शिक्षणासाठी निवड

वाशीम जिल्ह्यात पीक लागवडीच्या नव्या वाटा; ‘या’ पिकाला मिळतोय चांगला भाव

आता नुसता पैसा! सूर्य-मंगळ निर्माण करणार समसप्तक राजयोग; ‘या’ तीन राशीच्या व्यक्तींना होणार आकस्मिक धनलाभ

येणारे ७० दिवस मंगळ करणार कृपा; ‘या’ तीन राशींची होणार चांदी

कर्क राशीमध्ये निर्माण होईल डबल लक्ष्मी राजयोग! ‘या’ ३ राशीचे भाग्य उजळणार, माता लक्ष्मीच्या कृपेने प्रत्येक काम मिळणार अपार यश

उंच कड्यावर चढता चढता ती अचानक घसरली, खोल दरीत कोसळणार तेवढ्यात…. हृदयाचा थरकाप उडवणारा Video Viral

वसई -भाईंदर या भागातील नागरिकांच्या सोयीसाठी महाराष्ट्र सागरी मंडळातर्फे वसई- भाईंदर दरम्यान रोरो सेवा सुरू करण्यात आली आहे. सुवर्णदुर्ग शिपींग व मरीन सर्दीसेस प्रा. लि. यांच्या मार्फत ही चालविली जात असून या फेरीबोटीची क्षमता ३३ वाहने व १०० प्रवासी अशी आहे. लोकल गाडी मधील वाढती गर्दी, महामार्गावरील वाहतूक कोंडी अशा विविध प्रकारच्या कारणामुळे वसई भाईंदर बहुतांश प्रवासी हे रोरो सेवेने प्रवास करू लागले आहेत.

दिवसेंदिवस रोरो ने प्रवास करणाऱ्या प्रवाशांची संख्या वाढत आहे. सद्यस्थितीत एकच फेरी बोट असल्याने दिवसाला ये जा करून ९ फेऱ्या होत होत्या. एका किनाऱ्यावरून दुसऱ्या किनाऱ्यावर बोट गेल्यानंतर जवळपास ४५ मिनिटे ते १ तास प्रवाशांना वाट बघत राहावे लागत होते. त्यामुळे अनेकदा प्रवासी आलेल्या जागेवरून पुन्हा माघारी जात होते. फेरी बोटींची संख्या वाढविण्यात यावी अशी मागणी ही प्रवाशांकडून करण्यात येत होती.

आता आणखीन एक नवीन बोट वसई भाईंदर या रोरो सेवेत दाखल करण्यात आली आहे. त्यामुळे २६ जानेवारी पासून दैनंदिन रोरो फेऱ्यांमध्ये वाढ केली जाणार आहे. सकाळ व सायंकाळ अशा दोन्ही सत्रात नवीन ६ फेऱ्या वाढणार असून दिवसाला ये जा करून १५ फेऱ्या रोरो च्या होणार आहेत. रोरो च्या फेऱ्यांमध्ये वाढ झाल्याने वसई भाईंदर दोन्ही जेट्टीवरून प्रवास करणाऱ्या प्रवाशांना ताटकळत उभे न राहता नियोजित वेळेत ही सेवा दिली जाणार आहे अशी माहिती रोरो सेवा व्यवस्थापक यांनी दिली आहे.

अशा आहेत नवीन फेऱ्या

वसई जेट्टीवरून सकाळी ११.१५ वाजता दुपारी १२.४५, ३ वाजता, सायंकाळी ४.३०, ६.०० आणि ७.३० वाजता

तर भाईंदर वरून सकाळी १०.३०, १२.०० वाजता, दुपारी २.१५, ३.४५ आणि संध्याकाळी ५.१५, ६.४५ वाजता

प्रवाशांना दिलासा

रोरो च्या बोटीतून थेट वाहने घेऊन प्रवास करता येत असल्याने अनेक प्रवासी हे रोरो सेवेचा वापर करीत आहेत. विशेषतः सायंकाळी वसईतून भाईंदर व भाईंदर मधून वसई असा प्रवास करणाऱ्या वाहनधारकांची संख्या ही अधिक आहे. आता दोन्ही बाजूने फेरीबोट सुरू राहणार असल्याने प्रवाशांचा ताटकळत राहण्याचा वेळ वाचणार असल्याने मोठा दिलासा मिळाला आहे.