वसई: नायगावमध्ये कार-ऑटोरिक्षाचा भीषण अपघात; रिक्षाचालक जागीच ठार, तर दोन प्रवासी व कारचालक जखमी

हेही वाचा : नालासोपाऱ्यात ४१ अनधिकृत इमारतींवर अखेर कारवाई सुरू; पोलिसांचा कडेकोट बंदोबस्त ; नागरिकांचा आक्रोश

गुरुवारी रात्री साडेबाराच्या सुमारास एम एच ४८ सीसी ०१८० या क्रमांकाची चारचाकी घेऊन चालक नायगाव मार्गे भरधाव वेगाने जात असताना एम एच ०४ एच झेड १६५७ या ऑटोरिक्षाला जोराची धडक लागून भीषण अपघात घडला आहे. या अपघातात रिक्षाचालकाचा जागीच मृत्यू झाला आहे. संजय बाबू यादव(३८) असे या रिक्षाचालकाचे नाव आहे.तर त्याच्या मागे बसलेले अक्षय कदम आणि सागर सावंत हे दोन प्रवासी जखमी झाले आहेत. तर कारचालक अमित पवार (३२) हा जखमी झाला आहे. याप्रकरणी नायगाव पोलिसांनी कारचालकाच्या विरुद्ध गुन्हा दाखल केला असून पुढील तपास सुरू असल्याची माहिती पोलिसांनी दिली आहे.