नवीन आदर्श उपविधी स्वीकारणे गरजेचे

नवीन आदर्श उपविधींची स्वीकृती व मंजुरी
१)    प्रथम जिल्हा सहकारी गृहनिर्माण संस्थेच्या महासंघाच्या कार्यालयातून नवीन आदर्श उपविधीच्या स्वीकृती व मंजुरीसाठी लागणारे विहित नमुन्यातील अर्ज, ठराव, परिशिष्ट व पुरवणी क्रमांक १ ते ५ अशा कागदपत्रांचे दोन संच खरेदी करणे.
२)     संस्थेच्या कार्यकारी समितीच्या सभेमध्ये संस्थेचे अध्यक्ष, सचिव व एक समिती सभासद यांची नावे नमूद करून त्यांना संस्थेच्या वतीने नवीन आदर्श उपविधी स्वीकृती व मंजुरीची रीतसर प्रक्रिया पूर्ण करण्याचे व आवश्यक तेथे सह्य़ा व संस्थेचा शिक्का मारण्याचे अधिकार बहाल करण्याबाबतचा ठराव मंजूर करून घेणे.
३)    माननीय सहकार आयुक्त यांनी तयार केलेले नवीन आदर्श उपविधी संस्थेच्या दैनंदिन कामकाजात स्वीकृतीसाठी व माननीय उप-निबंधक, सहकारी संस्था, यांच्या मंजुरीस पाठविण्यासाठी संस्थेच्या अधिमंडळाच्या विशेष बठकीचे आयोजन करणे, तसेच त्याबाबतची सूचना सर्व सभासदांना देणे व संस्थेच्या सूचना फलकावर लावणे.
४)    त्याचबरोबर सूचनेची तारीख व बठकीच्या तारखेच्या कालावधीत संस्थेच्या प्रचलित उपविधीची व प्रस्तावित सुधारणासह नवीन आदर्श उपविधीची सुधारित प्रत संस्थेच्या कार्यालयात सभासदांच्या निरीक्षण व माहितीसाठी कार्यालयीन वेळेत ठेवणे व त्याबाबतची सूचना संस्थेच्या सर्व सभासदांना देणे व संस्थेच्या सूचना फलकावर लावणे.
५)    नवीन आदर्श उपविधीमधील प्रस्तावित सुधारणांसह स्वीकृती व मंजुरीसाठी आयोजित केलेल्या संस्थेच्या अधिमंडळाच्या विशेष बठकीनंतर दोन महिन्यांच्या आत माननीय उप-निबंधक, सहकारी संस्था, यांच्या कार्यालयात रीतसर मंजुरीसाठी प्रस्ताव सादर करणे व सोबत खालील नमूद केलेली कागदपत्रे जोडणे आवश्यक आहे :-
    अ)    नवीन आदर्श उपविधीतील प्रस्तावित सुधारणांसह स्वीकृती व मंजुरीसाठी आयोजित केलेल्या संस्थेच्या अधिमंडळाच्या विशेष बठकीच्या सूचनेची छायांकित प्रत, संस्थेच्या अधिमंडळाच्या विशेष बठकीत नवीन आदर्श उपविधीतील प्रस्तावित सुधारणांसह स्वीकृती व माननीय उप-निबंधक, सहकारी संस्था यांच्या मंजुरीसाठी आवश्यक ती सर्व कार्यवाही करण्याचे अधिकार संस्थेच्या कार्यकारी समितीला बहाल करणाऱ्या ठरावाची छायांकित प्रत. बठकीस उपस्थित सभासदांची नावे व सह्यांची छायांकित प्रत.
    ब)    संस्थेच्या पदाधिकायांनी विहित नमुन्यातील परिशिष्ट ‘अ’ व पुरवणी १ ते ५ संपूर्ण तपशील व सही / शिक्क्यासहित भरून देणे. मात्र पुरवणी क्रमांक ४ च्या दोन प्रती देणे.
    क)    प्रचलित (जुन्या) उपविधीची मूळ मंजूर प्रत.
    ड)    नवीन आदर्श उपविधीच्या दोन प्रती. यामध्ये संस्थेबाबतची संपूर्ण माहिती भरून व पदाधिकाऱ्यांच्या सह्या व संस्थेचा शिक्का असणे आवश्यक. तसेच सर्व सभासदांची नावे व सह्या आवश्यक.
    इ) मागील सहकारी वर्षांचा वैधानिक लेखापरीक्षकाकडून प्राप्त झालेला जमा-खर्च यांची पत्रके व ताळेबंद दर्शविणारे हिशोब-पत्रकाची छायांकित प्रत.
    ई)    रक्कम रुपये ५०/- चा कोर्ट फी स्टॅम्प.
    ख)    संस्थेच्या नोंदणी प्रमाणपत्राची छायांकित प्रत.
विश्वासराव सकपाळ

आणखी वाचा

राज्यासमोर आर्थिक आव्हान; उत्पन्नाचे नवे स्राोत शोधण्यासाठी उच्चस्तरीय समिति

Madhuri Dixit : डर चित्रपट माधुरी दीक्षितने का…

One Nation One Election : ‘वन नेशन, वन इलेक्शन’साठी जेपीसीची स्थापना; प्रियांका गांधी, सुप्रिया सुळे, श्रीकांत शिंदेंसह ३१ सदस्यांचा समितीत सहभाग

‘एक देश, एक निवडणूक’ विधेयके लोकसभेत, दोन तृतीयांश बहुमत नसल्याची ‘इंडिया’ची टीका

स्‍थानिक राजकारणाची दिशा बदलणार, राज्‍यातील बदलत्‍या समीकरणाचे प्रतिबिंब

One Nation One Election : मोदी सरकारची परीक्षा! लोकसभेत सादर होणार ‘एक देश, एक निवडणूक’ विधेयक; सर्व पक्षांकडून खासदारांना व्हीप

५६४ पाणथळींचे भवितव्य नव्या सरकारच्या हाती!

लेख: महाराष्ट्राच्या ‘एकात्म’ विकासाची दिशा