फर्निचर : टीव्ही युनिट

काही वर्षांनी वॉल युनिटचा आकार कमी होत गेला. संपूर्ण भिंतीऐवजी अर्धी भिंत व्यापणारे युनिट डिझाइन लोकप्रिय होऊ लागले. तरीही यात शोकेस नामक प्रकार होताच. यात टी. व्ही.च्या दोन्ही बाजूस शोकेस बनवले जायचे व त्याला काचेची शटर्स असायची. या डिझाइनमध्ये  टी.व्ही. युनिट भिंतीपासून तब्बल दोन ते सव्वादोन फूट पुढे आलेले असायचे. ही एवढी डेप्थ घेणं गरजेचं असायचं, कारण त्या वेळचे टी. व्ही. जवळपास दोन फूट डेप्थचे असायचे. त्यामुळे ही दोन-सव्वादोन फुटांची डेप्थ, जवळजवळ अडीच फुटांची उंची व पाच फुटांची लांबी असे हे बेस युनिट. त्यावर तो टी. व्ही. व टी. व्ही.च्या  बाजूला शोकेस युनिट्स त्यामुळे हे टी. व्ही. युनिटदेखील खूप मोठ्ठे वाटायचे. व मोठय़ा आकारच्या बेस युनिटमुळे रूममधील खूप जागा व्यापली जायची. या बेस युनिटमधील स्टोरेजदेखील भरगच्च असे. यात फुटबॉल, बॅडमिंटन रॅकेट्स्पासून रद्दीपर्यंत वाट्टेल ते स्टोर केले जायचे. एकंदरीत ही टी. व्ही. युनिट्स् केवळ टी. व्ही. युनिट्स नसून मल्टीपर्पज स्टोरेज व डिस्प्ले युनिट्स असायची.

आणखी वाचा

‘झी मराठी’वर नव्या मालिकांची नांदी! ‘लक्ष्मी निवास’ पाठोपाठ सुरू होणार ‘ही’ थ्रिलर मालिका, पाहा पहिली झलक

महाराष्ट्राचा पुढचा मुख्यमंत्री कोण होईल? राज ठाकरेंनी थेट…

Video: “अशा काहीही अफवा पसरवू नका”, ‘बिग बॉस मराठी’ फेम जान्हवी किल्लेकरने केली विनंती, नेमकं काय घडलं? वाचा…

बजाज पल्सरला टक्कर द्यायला आली ‘TVS’ची ही बाईक, जास्त मायलेजसह मिळतील खास फिचर्स

CID सहा वर्षांनी येणार प्रेक्षकांच्या भेटीला, धमाकेदार टीझर प्रदर्शित; मालिकेत कोण कोण दिसणार?

Video: लीलाला घराबाहेर काढल्यानंतर एजेंना येतेय तिची आठवण? ‘नवरी मिळे हिटलरला’ मालिकेत पुढे काय घडणार, पाहा प्रोमो

Video : ऐश्वर्या नारकरांनी घेतलं नवीन घर! पहिल्यांदाच दाखवली झलक, दिवाळीच्या मुहूर्तावर दिली आनंदाची बातमी

Video: तेजश्री प्रधानला बनवता येत नाही ‘हा’ पदार्थ, इम्प्रेस करण्यासाठी करावी लागेल ‘ही’ गोष्ट

या अवजड डिझाइनमध्ये उत्सवमूर्तीनी म्हणजेच टी. व्ही.नेच बदल घडवून आणला. टी. व्ही.ची डेप्थ दोन फुटांवरून थेट तीन / चार इंचांवर आल्यामुळे टी. व्ही. युनिटची डेप्थदेखील खूप कमी झाली व टी. व्ही. युनिट सुटसुटीत झाले. टी. व्ही. युनिटचा आकार कमी झाला, मात्र टी. व्ही. युनिटमध्ये टी. व्ही. संबंधित गोष्टींची संख्या वाढली. आधीच्या काळात केवळ टी. व्ही. व सुखवस्तू घरात व्ही. सी. आर.  किंवा व्ही. सी. पी. एवढेच टी. व्ही. युनिटमध्ये ठेवले जायचे. अँटेना तर गच्चीवर असायचे. आता मात्र खूप प्रकारची इलेक्ट्रॉनिक गॅजेटस् ठेवली जातात. ज्यात टी.व्ही.बरोबर सेट टॉप बॉक्स, व्ही. सी. डी. किंवा  डी. व्ही. डी. प्लेअर, होम थिएटर, अ‍ॅम्प्लीफायर, स्पीकर्स, वुफर, ब्लू रे प्लेअर, प्लेइंग स्टेशन्स असे बरेच प्रकार असतात. या सगळ्या गोष्टींचा अभ्यास करून त्याला लागणारी इलेक्ट्रिक कनेक्शन्स तयार करावी लागतात व या सगळ्याच्या अभ्यासाअंती एक वापरण्यास सोप्पे व दिसावयास सुंदर असे टी. व्ही. युनिटचे डिझाइन तयार करता येते.

क्रमश:

(इंटिरियर डिझायनर)

अजित सावंत ajitsawantdesigns@gmail.com