ही वेळ सैनिकांप्रती आपली एकता दाखवण्याची; वाढदिवसाच्या दिवशी महानायकाची विनंती

मनसे आणि ‘इम्पा’ने पाकिस्तानी कलाकारांवर भारतीय चित्रपटांमध्ये काम करण्यासाठी घातलेल्या बंदीमुळे सध्या बॉलिवूड विश्वातही दोन गट पडले आहेत. अभिनेता अजय देवगण आणि बी टाऊनच्या काही कलाकारांनी पाकिस्तानी कलाकारांसोबत काम करण्यास नकार दिला , तर काही सेलिब्रिटींनी मात्र पाकिस्तानी कसाकारांचेच समर्थन केले. अशा वेळी बिग बी आमिताभ बच्चन काय म्हणणार याकडेच अनेकांचे लक्ष लागून राहिले होते. महानायक अमिताभ बच्चन यांनी त्यांच्या वाढदिवशी घेतलेल्या एका पत्रकार परिषदेमध्ये याविषयी बोलण्याची ही योग्य वेळ नाही, असे प्रसारमाध्यमांना स्पष्ट केले. आज बिग बी यांनी वयाच्या ७४ व्या वर्षांत पदार्पण केले असून त्यांच्यावर सर्व माध्यमांतून शुभेच्छांचा वर्षाव होत आहे.