डिलिव्हरी बॅाय ते सेलिब्रिटींना फेटा बांधणारा कलाकार – निहार तांबडे | गोष्ट असामान्यांची भाग ४२

‘फेटा’ हा आपल्या संस्कृतीचा अविभाज्य भाग आहे. अनेक सांस्कृतिक किंवा लग्न सोहळ्यांमध्ये हमखास याची मागणी असते. मात्र, फेट बांधणं हे नुसतं एक काम नसून ती एक कला आहे. आणि या कलेचं व्यवसायात रुपांतर करू शकतो हे मुंबईतील गिरगावमध्ये राहणाऱ्या निहार तांबडे या तरुणाने दाखवून दिलं आहे. घरची हालाकीची परिस्थिती असताना अगंवार पडेल ते काम निहारने केलं. त्यानंतर मित्राच्या साथीने त्याने फेटे बांधण्याची कला अवगत केली आणि तेथून पुढे या प्रवासाला सुरूवात झाली. नववी पासूनच निहारला या कामाची आवड होती. त्याच्या याच कलेच्या जोरावर त्याने २०१९ मध्ये मराठी सिनेसृष्टीत पाऊल टाकलं. त्यानंतर अनेक मालिका, चित्रपटांत बांधलेले अचूक फेटे हा त्याचा युएसपी ठरला.