Digital Adda : असंख्य गंमतीजंमती, बेळगाव दौरा अन् बरचं काही…. ‘बॉईज ३’ च्या टीमसोबत धमाल गप्पा

‘बॉईज’ आणि ‘बॉईज २’ ला भरभरुन प्रेम मिळाल्यानंतर आता ‘बॉईज ३’लवकरच प्रेक्षकांच्या भेटीला यतोय. धैर्य, ढुंग्या आणि कबीर यांचे त्रिकूट आणि त्यांच्या आयुष्यात येणारी बेळगावातील कानडी मुलगी अशी एक भन्नाट कहाणी प्रेक्षकांना पाहायला मिळणार आहे. सुप्रीम मोशन पिक्चर्स प्रा. लि प्रोडक्शन अंतर्गत एव्हरेस्ट एंटरटेनमेंटसह अवधूत गुप्ते प्रस्तुत ‘बॉईज ३’ हा चित्रपट येत्या १६ सप्टेंबर रोजी प्रदर्शित होत आहे. या चित्रपटाचे दिग्दर्शन विशाल सखाराम देवरुखकर यांनी केले आहे. तर लालासाहेब शिंदे, राजेंद्र शिंदे, संजय छाब्रिया यांनी निर्मितीची धुरा सांभाळली आहे. ‘बॉईज ३’ या चित्रपटाच्या टीमने ‘लोकसत्ता डिजीटल अड्डा’ला हजेरी लावली होती. यावेळी निर्माता अवधूत गुप्ते, दिग्दर्शक विशाल देवरुखकर, अभिनेता प्रतीक लाड, पार्थ भालेराव आणि सुमंत शिंदे त्यांच्यासह अभिनेत्री विदुला चौगुले, स्नेहल छिदम यांनी मनसोक्त गप्पा मारल्या.