गायक अवधूत गुप्ते यांनी त्यांच्या इन्स्टाग्रामवर एक व्हिडीओ शेअर केला आहे. ज्यामध्ये त्यांच्या घरात एक माकड शिरल्याचं पाहायला मिळत आहे. बरं हा माकड एवढ्यावरच न थांबता लपवून ठेवलेली केळीही त्याने पळवली. व्हिडीओमध्ये अवधूत गुप्तेंची आई या माकडाला बाहेर काढायचा प्रयत्न करत आहेत. पण तो उलट त्यांच्याच अंगावर धावून जात आहे. बोरीवलीतील संजय गांधी राष्ट्रीय उद्यानाजवळ ते राहतात. त्यामुळे अनेकदा माकडांचा त्रास होतो. रहिवाशांनी याबद्दलची तक्रार वनविभागाकडेही केल्याचं अवधूत गुप्ते यांनी आपल्या पोस्टमध्ये म्हटलं आहे.