श्रीमंत दगडूशेठ हलवाई गणपतीच्या प्राणप्रतिष्ठेची तयारी सुरु

श्रीमंत दगडूशेठ हलवाई गणपतीची प्राणप्रतिष्ठा पुण्याचा मानाचा पहिला गणपती कसबा गणपती मंडळाचे अध्यक्ष श्रीकांत शेटे यांच्या हस्ते संपन्न होऊन उत्सवाला प्रारंभ होणार आहे. करोनाच्या पार्श्वभूमीवर या गणपती मंडळाचे विश्वस्त आणि कार्यकर्त्यांनी पुढील दहा दिवस गणपतीचे बाहेरुनच दर्शन घ्यायचा निर्णय घेतला आहे. त्याचप्रमाणे भाविकांनी देखील प्रत्यक्ष दर्शन न घेता ऑनलाइन दर्शन घेण्याचं आवाहन करण्यात आलं आहे. ‘गणपती बाप्पा मोरया, करोनाला आपण हरवूया’ हा संकल्प करीत यंदाचं करोनाचं विघ्न दूर करण्यासाठी गणपती बाप्पाला साकडं घालुयात असं आवाहनही यावेळी करण्यात आलं आहे.