‘रौप्य’ सिंधूचे हैदराबादेत जंगी स्वागत

रिओ ऑलिम्पिक स्पर्धेत बँडमिंटनमध्ये रौप्यपदक पटकावणाऱ्या पी. व्ही. सिंधू व तिचे प्रशिक्षक पी. गोपीचंद यांचे हैदराबादेत पारंपारिक पद्धतीने जंगी स्वागत करण्यात आले. बेस्टच्या ‘निलांबरी’ बसमधून तिची मिरवणूक काढण्यात येत आहे.रस्त्याच्या दुतर्फा आबालवृद्धांनी मोठी गर्दी केली असून प्रत्येकाच्या हाती तिरंगा आहे. तेलंगणाचे उपमुख्यमंत्री मोहम्मद महमूद अली हे स्वत: सिंधू व गोपीचंद यांना घेण्यासाठी विमानतळावर गेले होते.