सोलापुरात पावसाचा परिणाम, मतदारांसह निवडणूक अधिकाऱ्यांचीही तारांबळ

सोलापुरात रात्रभर सुरू असलेल्या पावसाचा परिणाम पहिल्या दोन तासांच्या मतदानावर झाल्याचं पाहायला मिळालं. सकाळी सात वाजेपासून मतदान सुरू झाल्यानंतर पहिल्या दोन तासांमध्ये केवळ ३.५७ टक्केच मतदान नोंदविले गेले होते. परिणामी पहिल्या दोन तासात कमी मतदान झाल्याचे सर्वच केंद्रावर दिसून आले. रात्रभर झालेल्या पावसामुळे काही मतदान केंद्रांमध्ये तर बऱ्याच मतदान केंद्रांबाहेरही पाणी साठले होते. या पाण्यातून वाट काढीत मतदारांनी मतदान केले.