मुंबई : अभिनेता सोनू सूद याने रविवारी रात्री उशीरा मुख्यमंत्री उद्धव ठाकरे यांची त्यांच्या ‘मातोश्री’ या निवासस्थानी जाऊन भेट घेतली. यावेळी मुख्यमंत्र्यांचे पुत्र आणि मंत्री आदित्य ठाकरे देखील उपस्थित होते. लॉकडाउनमुळे अडकून पडलेल्या मजुरांना त्यांच्या घरी सोडण्याचे काम करणाऱ्या सोनू सूदच्या कामगिरीवर शिवसेनेचे खासदार संजय राऊत यांनी प्रश्नचिन्ह उपस्थित केलं होतं. सोनूच्या कार्यामागे राजकीय हात असल्याचा आरोपही राऊत यांनी केला होता. या पार्श्वभूमीवर सोनूने घेतलेली मुख्यमंत्र्यांची भेट महत्वाची ठरली होती.