पुणे : बुधवार पेठेतील सेक्स वर्कर्स महिलांनी बोलून दाखवल्या लॉकडाउनमधील अडचणी

करोना विषाणूचा पहिला रुग्ण आपल्याच शहरात आढळल्याची माहिती आम्हाला मिळाल्यानंतर, आम्ही घाबरून गेलो होतो. आपल्याकडे येणारा ग्राहक कोणत्याही भागातील असतो. या आजाराची लक्षणं साधारणपणे आठवड्याभरानंतर दिसून येतात. यामुळे आमच्या मनात भीती निर्माण झाली होती. एवढच नाहीतर आम्ही ग्राहक नाकारण्यासही सुरुवात केली. यानंतर आम्ही या संकटातून वाचतो की मरतो, असे देखील सतत मनात विचार येत होते. मात्र आम्ही सर्व नियमांचे पालन केल्याने, आमच्या भागात करोना विषाणूला शिरकाव करता आला नसल्याचे पुण्यातील बुधवार पेठेतील सेक्स वर्कर्स महिलांनी लोकसत्ता ऑनलाईनशी बोलताना सांगितले.