नव्वद वर्षीय आजीबाईंची करोनावर मात, कुटुंबियांनी केले जंगी स्वागत

पिंपरी-चिंचवड शहरात करोनाबाधितांची संख्या ८ हजारांच्या वर पोहचली आहे. दररोज शेकडो जण बाधित आढळत आहेत. या दरम्यान, पिंपरी-चिंचवडमधील मुक्ताबाई हिरामण पांचाळ या ९० वर्षीय आजीबाईंनी करोनाच्या आजारावर मात केली असून रुग्णालयातून त्यांना डिस्चार्जही देण्यात आलेला आहे. या आजीबाई बऱ्या होऊन घरी परतल्यानंतर त्यांच्या कुटुंबियांसह शेजाऱ्यांनी परिसरात रांगोळी काढून, फुलांचा वर्षाव करीत टाळ्यांच्या कडकडाटात त्यांचे स्वागत केले.