अनुचित प्रकार टाळण्यासाठी पोलीस सज्ज

पिंपरी-चिंचवडमध्ये गणेशोत्सव आणि मोहरम या दोन सणांच्या पार्श्वभूमीवर पिंपरी पोलिसांनी बुधवारी पथसंचलन केले आहे. यावेळी पूर्व-तयारी करत शहरात जातीय दंग्यासारखे प्रसंग घडू नयेत यासाठी पोलिसांच्या विशेष पथकाने रंगीत तालीम देखील केली. यावर्षीचा गणेशोत्सव हा अत्यंत वेगळ्या पद्धतीने आणि शासनाने घालून दिलेल्या अटीनुसार पार पडणार आहे, त्याच पार्श्वभूमीवर पिंपरी पोलिसांनी पथसंचलन करत कायदा-सुव्यवस्थेकडे आपलं विशेष लक्ष असणार आहे असं सांगितलं.