सयाजी शिंदे यांच्या संकल्पनेतून उभारलेल्या पालवन येथील सह्याद्री देवराई डोंगराला आग

बीड शहरानजीक असलेल्या पालवन परिसरातील तब्बल शंभर एकर डोंगरावर सिनेअभिनेते सयाजी शिंदे आणि सामाजिक वनीकरण विभागाच्या वतीने चार वर्षांपूर्वी सह्याद्री देवराईची उभारणी करण्यात आली होती. त्यापैकी ५ ते ६ एकर परिसरात रविवारी पहाटे आग लागली. यात हजारो झाडे जळल्याची प्राथमिक माहिती मिळाली आहे. आग लागण्याचे नेमके कारण अद्याप कळू शकलेले नाही.