Sanjay Raut on Refinery: ‘उदय सामंत यांनी शहाणपणा करू नये’; रिफायनरी प्रकरणावरून राऊतांनी सुनावलं

रत्नागिरी जिल्ह्यातील राजापूर तालुक्यात बारसू या ठिकाणी रिफायनरी प्रकल्प प्रस्तावित आहे. या प्रकल्पासाठी अधिकारी सर्वेक्षणासाठी येणार असल्याचं कळताच स्थानिकांनी या सर्वेक्षणाला कडाडून विरोध केला. अबालवृद्धांसह महिलांनीही येथे तळ ठोकून या प्रकल्पाला विरोध दर्शवला. याप्रकरणी विरोधकांनी सत्ताधाऱ्यांवर आगपाखड करायला सुरुवात केल्यानंतर शिवसेना (शिंदे गट) नेते उदय सामंत यांनी उद्धव ठाकरेंवर टीकास्त्र सोडलं. बारसू येथे रिफायनरी प्रकल्प राबवण्याकरता उद्धव ठाकरेंनी जागा सुचवली होती, असं उदय सामंत काल म्हणाले. शिवसेना (ठाकरे गट) नेते संजय राऊत यांनी हा दावा फेटाळून लावला आहे.