“जेव्हा मी सांगतो मी पुन्हा येईन, तेव्हा…”; देवेंद्र फडणवीसांच्या विधानाची पुन्हा चर्चा

उपमुख्यमंत्री देवेंद्र फडणवीस यांनी पुन्हा एकदा ‘मी पुन्हा येईन’ असं विधान केलं आहे. बेळगाव दौऱ्यानंतर कोल्हापूरच्या चंदगडमध्ये भगवान श्री नृसिंह मंदिरात देवेंद्र फडणवीसांनी दर्शन घेतलं. त्यानंतर उपस्थितांशी संवाद साधताना त्यांनी हे विधान केलं. दरम्यान एकीकडे सत्तासंघर्षाचा निकाला येत्या काही दिवसांत लागणं अपेक्षित आहे. तर दुसरीकडे राष्ट्रवादीतील मोठा गट भाजपात जाणार असा दावा ठाकरे गटाकडून करण्यात आला होता. या पार्श्वभूमीवर देवेंद्र फडणवीसांचं हे विधान चर्चेचा विषय ठरलं आहे.