मणिपूरमध्ये अडकलेल्या महाराष्ट्रातील विद्यार्थ्यांसाठी विशेष विमान पाठवणार; शिंदेंची माहिती
मणिपूरमध्ये सुरु असलेल्या दंगलीमुळे तिथे अडकलेल्या महाराष्ट्रातील विद्यार्थ्यांशी मुख्यमंत्री एकनाथ शिंदे यांनी आज दूरध्वनीच्या माध्यमातून संपर्क साधला आणि त्यांना दिलासा देऊन मदतीची ग्वाही दिली. ‘या अडकलेल्या विद्यार्थ्यांना महाराष्ट्रात परत आणण्यासाठी विशेष विमानाची व्यवस्था करण्यात आली असून लवकरच हे विमान त्या विद्यार्थ्यांना घेऊन महाराष्ट्रात दाखल होईल’ असे आश्वासन मुख्यमंत्र्यांनी यावेळी दिले.
