CCTV: पिंपरी- चिंचवडमध्ये शस्त्रांचा धाक दाखवत लूटमार करणारी टोळी जेरबंद; घटना सीसीटीव्हीत कैद

पिंपरी-चिंचवडमधील वाकड आणि हिंजवडी हद्दीत कोयता आणि इतर धारदार शस्त्राचा धाक दाखवून सर्व सामान्यांना लुटणाऱ्या टोळीच्या बेड्या आवळल्या आहेत. वाकड पोलिसांनी ही कारवाई केलीये. प्रमोद दयानंद कांबळे, प्रफुल राजू वाघमारे, पवन शहादेव जाधव, रोहित उर्फ बोंड राहुल शिंदे आणि राहुल कॅप्टन मोरे या पाच अट्टल लुटारूंची नावं आहेत. मध्यरात्री कामानिमित्त बाहेर पडलेल्या सर्व सामान्य नागरिकांना अडवून हे लुटारू शस्त्राचा धाक दाखवायचे आणि त्यांच्याजवळ असेल ती रक्कम आणि मौल्यवान वस्तू घेऊन पसार व्हायचे. गेल्या काही महिन्यांपासून या लुटारूंनी दहशत माजवली होती, अखेर वाकड पोलिसांनी त्यांना बेड्या ठोकल्या आहेत.