Raj Thackeray: २ हजारांची नोट वितरणातून काढल्यानंतर ठाकरेंची प्रतिक्रिया, “आता पुन्हा लोकांनी..”

भारतीय रिझर्व्ह बँकेने दोन हजार रुपयांची नोट वितरणातून काढून टाकली. यानंतर त्यावर अनेक प्रतिक्रिया येत आहेत. आता महाराष्ट्र नवनिर्माण सेनेचे अध्यक्ष राज ठाकरे यांनी पहिली प्रतिक्रिया दिली. यावेळी त्यांनी मोदी सरकारच्या निश्चलनीकरणाच्या धोरणाला धरसोड करण्याचा प्रकार म्हटलं. तसेच नव्या नोटा आणल्या तेव्हा त्या मशीनमध्ये जातात की नाही हेही बघितलं नसल्याचं सांगत टीका केली. ते शनिवारी (२० मे) नाशिक दौऱ्यावर आले असताना माध्यमांशी बोलत होते.