विलास लांडेबद्दलची ‘ती’ फ्लेक्सबाजी; लोकसभेच्या तोंडावर राष्ट्रवादीत पुन्हा वाद पेटणार?

राष्ट्रवादी चे सर्वेसर्वा शरद पवार आणि अजित पवार यांचे निकटवर्तीय म्हणून ओळखले जाणारे भोसरीचे प्रथम आमदार विलास लांडे यांचा आज १ जून रोजी वाढदिवस आहे. त्यांच्या वाढदिवसानिमित्त भावी खासदार म्हणून भोसरीमध्ये फ्लेक्सबाजी करण्यात आली आहे.
एकीकडे शिरूर लोकसभा मतदारसंघात राष्ट्रवादीचेच अमोल कोल्हे हे विद्यमान खासदार आहेत, तरी देखील विलास लांडे समर्थकांनी भावी खासदार म्हणून फ्लेक्सबाजी करण्यात आली. यामुळे २०१९ च्या लोकसभा निवडणुकीत विलास लांडे विरुद्ध अमोल कोल्हे यांच्यातील संघर्षाची पुन्हा चर्चा होताना दिसत आहे.