Manisha Kayande in Shivsena: शिंदे गटात प्रवेश करताच मनीषा कायंदेंनी सांगितलं कारण, म्हणाल्या…

विधान परिषदेच्या आमदार आणि ठाकरे गटाच्या प्रवक्त्या मनीषा कायंदे यांनी रविवारी (१८ जून) शिंदे गटात प्रवेश केला आहे. रात्री उशिरा मुख्यमंत्री एकनाथ शिंदे यांचं निवासस्थान असलेल्या ‘वर्षा’ बंगल्यावर मनीषा कायंदे यांचा पक्षप्रवेशाचा कार्यक्रम पार पडला. यावेळी एकनाथ शिंदे यांच्यासह आमदार संजय शिरसाट उपस्थित होते. दरम्यान, रविवारी मनीषा कायंदे यांची ठाकरे गटातून हकालपट्टी करण्यात आली. पक्षविरोधी कारवाया केल्यामुळे ठाकरे गटाचे प्रमुख उद्धव ठाकरे यांच्या आदेशाने ही कारवाई करण्यात आली आहे.