Pune: मुलीचे प्राण वाचविणाऱ्या दिनेश मढवीने सांगितला कोयता हल्लाचा थरार

एमपीएससी परीक्षेत राज्यात तिसरी आलेल्या दर्शना पवारची निर्घृण हत्याप्रकरणातून महाराष्ट्र सावरत नाही तोवर पुण्यातूनच दुसरी एक धक्कादायक घटना समोर आली. पुण्यातील सदाशिव पेठेत पेरुगेट चौकीजवळ शंतनू जाधव या तरुणाने एका मुलीवर कोयत्याने हल्ल्याचा प्रयत्न केला. हल्ला करणार्‍या आरोपी शंतनू जाधव याला स्पर्धा परीक्षेची तयारी करणारे लेशपाल जवळगे, हर्षद पाटील आणि दिनेश मढवी या तिघा तरुणांनी स्वत:चा जीव धोक्यात घालून आरोपीचा प्रतिकार करीत पकडून पोलिसांच्या ताब्यात दिले. त्या एकूणच घटनेबाबत दिनेश मढवी यांनी माहिती दिली.