Ashadhi Ekadashi: पिंपरी-चिंचवडमधील तरुणीने विटेवर साकारले ‘विठ्ठला’चे रूप!; कलाकृतीची एकच चर्चा

पिंपरी- चिंचवडमधील तरुणीने विटेवर ‘विठ्ठला’चं हुबेहूब रूप साकारले आहे. सध्या आषाढी वारीनिमित्त लाखो वारकरी पंढरपूरच्या दिशेने मार्गस्थ झाले आहेत. विठ्ठलाच्या दर्शनाची ओढ वारकऱ्यांना लागलेली असून विठ्ठलाच्या एका छबीसाठी वारकरी आसुसल्याचं पाहायला मिळते आहे. याच आषाढी वारीचे औचित्य साधून तरुणीने विटेवर सावळ्या विठ्ठलाचं रूप रेखाटलं आहे. अनुजा चैतन्य जोशी असे या तरुणीचे नाव आहे. चार ते पाच तास विठूचं रूप साकारण्यासाठी लागल्याचे अनुजाने सांगितलं.