Sudhir Mungantiwar: ‘अडीच वर्षांचा फार्म्युला…’; ठाकरेंच्या वक्तव्यावर सुधीर मुनगंटीवारांचे विधान

उद्धव ठाकरेंनी दौऱ्यादरम्यान त्यांनी २०१९ सालातील युती फुटण्यावर पुन्हा वक्तव्य केले आहे. त्यावर प्रतिक्रिया देताना भाजपा नेते सुधीर मुनगंटीवार म्हणाले की, “जेवढ्या जाहीर सभा व्हायच्या, त्या सर्व जाहीर सभेचे व्हिडीओ आहेत. विश्वगौरव नरेंद्र मोदी यांच्या सभेत त्यांनी वारंवार सांगितलं की देवेंद्र फडणवीस मुख्यमंत्री होणार. मात्र, राष्ट्रवादीसोबत यांची बैठक झाली आणि शरद पवारांनी त्यांना सांगितलं की, भाजपाच्या कमी जागा आहेत, तर तुम्ही मुख्यमंत्री पदाची मागणी करा आणि तेच यांनी केलं. त्याचा फायदा उद्धव ठाकरेंनी घेतला. निवडणुकीचे निकाल लागले, तेव्हा भारतीय जनता पार्टीच्या १२० च्या वर जागा येणार नाही. हे लक्षात आलं त्यानंतर यांच्या मनात बेइमानी सुरू झाली आणि यांची त्यावर चर्चा सुरू झाली”