Kirit Somaiya: पुण्यात सोमय्यांविरोधात काँग्रेस आक्रमक, पोलिसांनी कार्यकर्त्यांना घेतलं ताब्यात

भाजपचे नेते तथा माजी खासदार किरीट सोमय्या यांचा मध्यंतरी आक्षेपार्ह व्हिडीओ समोर आल्याची घटना घडली होती. त्या विरोधात राज्यातील विरोधकांनी किरीट सोमय्या यांच्यावर कारवाईची मागणी केली होती. या सर्व घडामोडी थांबत नाही तोवर आज (२६ जुलै) किरीट सोमय्या हे पुणे दौर्‍यावर आले होते. त्यावेळी काँग्रेस पक्षाचे शहराध्यक्ष अरविंद शिंदे यांनी कार्यकर्त्यांसह पर्वती येथील गजानन महाराज मंदिर चौकात Somaiya Go Back चे फलक घेऊन आंदोलन करीत काळे झेंडे दाखविले.