NCC Student Video: एनसीसी विद्यार्थ्यांना अमानुष मारहाण, जोशी बेडेकर महाविद्यालयातील व्हिडीओ व्हायरल

ठाण्यातील बांदोडकर आणि जोशी बेडेकर महाविद्यालयात एनसीससीच्या विद्यार्थ्यांना बेदम मारहाण केल्याचा धक्कादायक व्हिडीओ व्हायरल झाला आहे. त्यामुळे विद्यार्थी आणि पालक क्षेत्रात एकच खळबळ माजली आहे. जोशी बेडेकर कॉलेजच्या प्रांगणात बांदोडकर, बेडेकर आणि पॉलिटेक्निक या तिन्ही विभागांच्या विद्यार्थ्यांना संयुक्त असे एनसीसीचे प्रशिक्षण दिले जाते. या प्रशिक्षणादरम्यान विद्यार्थ्यांना सैन्य आणि नेव्हीच्या प्रशिक्षणपूर्वीचे धडे दिले जातात येतात. प्रशिक्षणादरम्यान विद्यार्थ्यांकडून एखादी चूक झाल्यास त्यांना शिक्षाही केली जाते. मात्र, विद्यार्थ्यांना अशी अमानुष मारहाण केल्याने त्यावर टीका केली जातेय.