Chandrayaan 3 मोहिमेसाठी पुण्यात शिवसेनेकडून सारसबागेतील गणपतीची महाआरती आणि होमहवन | Pune

Chandrayaan 3: ‘चांद्रयान-३’चे विक्रम लँडर आज (२३ ऑगस्ट) चंद्राच्या दक्षिण ध्रुवावर उतरणार आहे. या मोहिमेकडे भारतासह संपूर्ण जगाचं लक्ष लागलं आहे. ‘चांद्रयान-३’ यशस्वीरीत्या चंद्रावर उतरावे यासाठी देशातील अनेक भागात होमहवन ,नमाज पठण केले जात आहे. त्याच पार्श्वभूमीवर पुण्यातील सारसबागेतील श्री सिद्धिविनायक मंदिरात शिवसेनेचे शहरप्रमुख नाना भानगिरे यांच्या नेतृत्त्वाखाली महाआरती आणि होमहवन करण्यात आले. यावेळी गणरायाकडे ‘चांद्रयान-३’ मोहीम यशस्वी होण्यासाठी प्रार्थना करण्यात आली.