राज्यघटनेच्या प्रस्तावनेतून ‘ते’ दोन शब्द वगळले, अधीर रंजन चौधरींचा मोदी सरकारवर आरोप

गेल्या दोन दिवसांपासून संसदेच्या विशेष अधिवेशनामध्ये वेगवेगळ्या घडामोडी घडताना पाहायला मिळत आहेत. नव्या संसदेत प्रवेश करताना सदस्यांना राज्यघटनेची नवी प्रत देण्यात आली होती. त्यामध्ये धर्मनिरपेक्ष व समाजवादी हे शब्द नसल्याचा दावा काँग्रसचे खासदार अधीर रंजन चौधरी यांनी केला आहे. या माध्यमातून संविधान बदलण्याचा जाणीवपूर्व प्रयत्न असल्याचा गंभीर आरोप चौधरी यांनी मोदी सरकारवर केला आहे.