Manoj Jarange: ‘यांना मोठं करायला आमच्या समाजाने जिवाची बाजी लावली, अन्…’; जरांगेंचा सरकारला इशारा

मराठा समुदायाला टिकणारं आरक्षण देऊ, असं आश्वासन मुख्यमंत्री एकनाथ शिंदे यांनी दिल्यानंतर मराठा आंदोलक मनोज जरांगे पाटील यांनी उपोषण मागे घेतलं आहे. सरकारने एक महिन्याचा अवधी मागितला होता. पण जरांगे यांनी मराठा आरक्षणावर कायमचा तोडगा काढण्यासाठी सरकारला ४० दिवसांची मुदत दिली होती. यानंतर आता मनोज जरांगे पाटील यांनी सरकारला इशारा दिला आहे. ४० व्या दिवशी आम्हाला आरक्षण पाहिजे. यावर आम्ही ठाम आहोत. सरकारने मराठ्यांना कसं आरक्षण द्यायचं, ते त्यांनी ठरवावं, अशा शब्दांत मनोज जरांगे यांनी सरकारला इशारा दिला आहे.